Presidenti Stevo Pendarovski sot e priti drejtorin e ri të Fondacionit “Konrad Adenauer” në Shkup, Daniel Braun.
Në këtë takim u bisedua mbi angazhimin e përgjithshëm të Fondacionit në Republikën e Maqedonisë së Veriut, i cili shënon 20 vjet punë në shtetin tonë dhe jep kontribut të rëndësishëm në zhvillimin e dialogut politik midis partive politike, në ndërtimin e konsensusit shoqëror për çështjet më të rëndësishme strategjike, kurse para së gjithash, në zhvillimin demokratik, sundimin e të drejtës, integrimin në Bashkimin Evropian dhe dialogun ndërfetar. Presidenti Pendarovski e theksoi rolin e Fondacionit “Konrad Adenauer”, si një organizatë partnere, në punën e Shkollës për politikë në Qendrën Presidenciale për Arsim Politik, projekt i Presidentit Pendarovski.
Në këtë bisedë Presidenti Pendarovski shprehu pritjen se Fondacioni do të vazhdojë me ndërtimin e urave të bashkëpunimit dhe të partneritetit të fuqishëm me institucionet tona, në drejtim të mbështetjes së proceseve reformuese në shtet.
Presidenti Pendarovski i uroi drejtorit të ri Braun suksese në punë.
