Presidenti Stevo Pendarovski sot e mirëpriti zëvendëskryeministrin dhe ministrin e Mbrojtjes së shtetit të Katarit, Kalid bin Mohammed al Atija.
Në këtë takim u shpreh i kënaqur nga trendi pozitiv në zhvillimin e dialogut politik dhe marrëdhënieve bilaterale midis dy vendeve, si janë shqyrtuar mundësitë për intensifikimin e bashkëpunimit në mbrojtje me Katarin.
Presidenti Pendarovski e përshëndeti politikën konstruktive të Katarit në ruajtjen e stabilitetit rajonal dhe rolin e tyre në përparimin e sigurisë globale, si dhe shprehu mbështetje për aktivitetet, që Katari i ndërmerr në kuadër të Iniciativës së Stambollit për Bashkëpunim.
Gjithashtu, Presidenti e falënderoi për mbështetjen e dhënë nga Katari, gjatë evakuimit të qytetarëve të Maqedonisë nga Afganistani, si dhe për solidaritetin dhe ndihmën e treguar në ballafaqimin me pandeminë kovid-19.
Në kontekst të mbrojtjes, janë prezantuar mundësitë për thellimin e bashkëpunimit nëpërmjet trajnimeve të përbashkëta ushtarake dhe investimeve në projektet infrastrukturore, si dhe u shpreh gatishmëria për zmadhimin e bashkëpunimit në luftën kundër kërcënimeve globale, terrorizmit, mbrojtjes kibernetike, ballafaqimit me sulmet hibride dhe lajmet e rreme.
Bashkëbiseduesit theksuan se faktor i rëndësishëm për zhvillimin e marrëdhënieve bilaterale, shfrytëzimin i tërësishëm të potencialeve ekonomike dhe zbatimin e projekteve konkrete, është përmirësimi i mëtejshëm i suazë ligjore midis dy vendeve.
Në takim u shkëmbyen mendime mbi zhvillimet e ngjarjeve në të dy rajonet, mbi zhvillimet aktuale në Ukrainë dhe situatën e sigurisë në kontinentin evropian.
