Presidenti Stevo Pendarovski sot e priti Katrin Ostvald-Rihter, udhëheqësen e re të Institutit Gëte Shkup.
Në këtë takim Presidenti Pendarovski u njoh me punën aktuale të institutit, që është në drejtim të bashkëpunimit kulturor dhe arsimor dhe afirmimit të mësimit të gjuhës gjermane, si dhe realizimin e programeve të kulturës dhe arsimit që e përparojnë dialogun ndërkulturor.
Udhëheqësja e sapoemëruar Ostvald-Rihter i prezantoi planet, prioritetet dhe qëllimet e punës së vet dhe interesin e saj që t’i adresojë potencialet e pashfrytëzuara në sferën e produktivitetit kulturor dhe artistik te ne.
Presidenti Pendarovski e theksoi kontributin që e jep instituti në zhvillimin e marrëdhënieve maqedonase-gjermane dhe shprehu bindjen për thellimin e mëtejshëm të lidhjeve arsimore dhe kulturore midis Maqedonisë së Veriut dhe Gjermanisë.
