Takimi i Presidentit Pendarovski me krerët dhe përfaqësuesit e bashkësive fetare

8 Prill 2021 | Kumtesat

Presidenti Stevo Pendarovski sot i mirëpriti krerët dhe përfaqësuesit e bashkësive fetare të vendosura në Kushtetutën e Republikës së Maqedonisë së Veriut.

Në këtë takim morën pjesë kreu i Kishës Ortodokse Maqedonase – Kryepeshkopata e Ohrit, Mitropolitit të Shkupit, Kryepeshkopi i Ohrit dhe Maqedonas dhe i Justinian Primas, z.z. Stefan, kreu i Bashkësisë Fetare Islame, Reisul UlemaH. Hfz. Shaqir ef. Fetahu,Ipeshkvi  i Shkupit dhe Eparku i Dioqezës Strumicë-Shkup, Kiro Stojanov, superintendenti i Kishës Evangjeliste-Metodiste, Marjan Dimov, si dhe drejtori i Komisionit për marrëdhënie midis bashkësive fetare dhe grupeve religjioze Darijan Sotirovski.

Temë e këtij takimi ishin festat që do të vijnë të Pashkës së Madhe dhe Ramazanit dhe kushtet në të cilat, për shkak të pandemisë me kovid-19 edhe këtë vit do të jetë idomosdoshëmkujdesi nga besimtarët gjatë festimit në objektet fetare në shtet.

Presidenti Pendarovski foli mbi rëndësinë e rolit të krerëve të bashkësive fetare, si në kultivimin e bashkëjetesës që është parakusht i rëndësishëm për prosperitetin dhe përparimin e shtetit ashtu edhe mbi rëndësinë e veprimeve të tyre në kohën e pandemisë së kovid-19.

Krerët dhe përfaqësuesit e bashkësive fetare u bënë apel besimtarëve që të sillen me kujdes dhe përgjegjësi, të respektojnë seriozisht dhe pakushte masat dhe rekomandimet e pushtetit shëndetësor, që të mbrojnë veten dhe ata të cilët do të vendosin këtë vit t’i vizitojnë tempujt fetarë me rastin e festave, si dhe për domosdoshmërinë e vaksinimit të qytetarëve.

Presidenti Pendarovski u bëri thirrje qytetarëve të sillen me përgjegjësi dhe vetëdije gjatë festimit të festave të ardhshme fetare.

Në këtë takim ishte riafirmuar qëndrimi se bashkëjetesa dhe respektimi i dallimeve janë vlerat themelore të Republikës së Maqedonisë së Veriut.

 

Последни вести

Latest news

Lajmet e fundit

Presidenti Pendarovski e vizitoi Poligonin e Armatës “Krivollak”

Presidenti Pendarovski e vizitoi Poligonin e Armatës “Krivollak”

Presidenti Stevo Pendarovski sot ishte për vizitë në Poligonin e Armatës “Krivollak” ku u informua mbi aktivitetet e përfaqësuesve të Armatës së Republikës së Maqedonisë së Veriut dhe të pjesëmarrësve në Batalionin e 15 Inxhinierik të Armatës së SHBA-së, në prag të...