Presidenti Stevo Pendarovski sot mirëpriti përfaqësues të Institutit pedagogjik të Fakultetit filozofik në Shkup.
Në këtë takim u fol për realizimin e suksesshëm të Konferencës shkencore ndërkombëtare “75 vjet Institut i pedagogjisë – sfidat arsimore-edukative dhe perspektivat”, e cila u mbajt me rastin e jubileut 75-vjeçar të Institutit pedagogjik me mbështetje të Presidentit Pendarovski.
Në shenjë mirënjohjeje Presidentit Pendarovski iu dha pllaka për mbështetje të vazhdueshme dhe kontribut të veçantë në zhvillimin dhe afirmimin e Institutit pedagogjik dhe të Fakultetit filozofik në Universitetin “Shën. Kirili dhe Metodij” në Shkup.
