Në suazat e pjesëmarrjes në Procesin “Bërdo-Brioni”, Presidenti Stevo Pendarovski sot u takua me Presidentin e republikës së Shqipërisë, Bajram Begaj.
Presidenti Pendarovski e përgëzoi Begaj për zgjedhjen në funksionin e presidentit, i dëshiroi mandat të suksesshëm dhe shprehu pritjen se në periudhën që vijon të dy vendet do të vazhdojnë t’i përparojnë marrëdhëniet e mira fqinjësore.
Të dy presidentët shkëmbyen mendime mbi ngjarjet aktuale në të dy vendet pas fillimit zyrtar të negociatave aderuese për anëtarësim në BE, mbi rrjedhën dhe sfidat e mundshme në procesin e negocimit. Në këtë drejtim, bashkëfolësit shprehën përgatitjen për intensifikim dhe shkëmbim të përvojave të ndërsjella në procesin e transformimit të të dy shoqërive dhe zbatimin e përpiktë të reformave evropiane në të gjitha fushat jetike.