Presidenti Stevo Pendarovski, në suazat e vizitës zyrtare në Malin e Zi, u takua me kryeministrin e Qeverisë së Malit të Zi, Zdravko Krivokapiq.
Në këtë takim janë shkëmbyer mendime për marrëdhëniet e përgjithshme bilaterale ndërmjet Republikës së Maqedonisë së Veriut dhe Malit të Zi, ku është vlerësuar se ato janë tradicionalisht partnere dhe miqësore, pa çështje të hapura.
Në këtë takim u theksua se të dy shtetet, si aleatë të NATO-s, kanë të njëjtat vlera dhe kontribuojnë në përparimin e bashkëpunimit rajonal. Gjithashtu, të dy shtetet kanë synim identik të politikës së jashtme – anëtarësimin në Bashkimin Evropian.
Presidenti Pendarovski dhe kryeministri Krivokapiq shkëmbyen mendime për zhvillimet dhe situatën në rajonin më të gjerë, në lidhje me agresionin rus mbi Ukrainën.
