Takimi i Presidentit Stevo Pendarovski me kryeministrin malazez Abazoviq

25 Maj 2022 | Kumtesat

Presidenti Stevo Pendarovski, gjatë pjesëmarrjes në Forumin ekonomik botëror në Davos u takua me kryeministrin e Qeverisë së Malit të Zi, Dritan Abazoviq.

Në këtë takim u shpreh përgatitja për përparimin e marrëdhënieve të përgjithshme bilaterale midis Republikës së Maqedonisë së Veriut dhe Malit të Zi, duke i theksuar mundësitë potenciale për përforcimin e bashkëpunimit ekonomik.

Të dy bashkëfolësit shkëmbyen mendime mbi ngjarjet aktuale politike në të dy vendet, në Evropë dhe në rajonin e Ballkanit Perëndimor, duke i riafirmuar përpjekjet për stabilitet rajonal, siguri dhe prosperitet, nëpërmjet përforcimit të proceseve demokratike dhe partneritetit të përforcuar ndërkombëtar.

Bashkëfolësit theksuan se bashkëpunimi i ngushtë në suazat e aleancës së NATO-s do të vazhdojë edhe në procesin e integrimit në Bashkimin Evropian, si qëllim i përbashkët strategjik i të dy vendeve.

Presidenti Pendarovski e uroi Abazoviqin për emërimin në funksionin e ri, duke i uruar mandat të suksesshëm në ballafaqimin si me sfidat dhe qëllimet e brendshme ashtu edhe me sfidat dhe qëllimet e jashtme politike.

Категории

Categories

Kategori

Последни вести

Latest news

Lajmet e fundit

Presidenti Pendarovski u takua me maratonistin Dario Ivanovski

Presidenti Pendarovski u takua me maratonistin Dario Ivanovski

Presidenti Stevo Pendarovski sot në parkun e qytetit në Shkup u takua me maratonistin Dario Ivanovski, i cili para disa ditësh vendosi rekord të ri maqedonas në maratonën në Sevilja, Spanjë, si dhe me trajnerin dhe menaxherin e tij, Igor Jakimovskin dhe atletin Zhan...