Presidentja Gordana Siljanovska Davkova priti ambasadorin e Republikës së Sllovakisë, Henrik Markus, në takim lamtumire. Presidentja Siljanovska Davkova shprehu mirënjohjen e sinqertë për shërbimin e përkushtuar të ambasadorit, si dhe për kontributin e tij të rëndësishëm në thellimin e marrëdhënieve miqësore dhe tradicionalisht të ngushta midis dy vendeve.
Ajo theksoi se ne e vlerësojmë thellësisht mbështetjen parimore dhe të vazhdueshme të Sllovakisë për procesin e integrimit të vendit tonë në Bashkimin Europian. Gjithashtu, Sllovakia ndihmoi në hartimin e dokumentit “Strategjia Kombëtare e Zhvillimit 2024–2044”, dokument kyç strategjik që do të përcaktojë trajektoren tonë të zhvillimit në dekadat që vijnë.
Ambasadori Markus iu bashkua personalisht aksionit për mbështetjen e grave që luftojnë kancerin.
Bashkëbiseduesit kanë ranë dakord që përpjekjet e ardhshme duhet të drejtohen drejt zgjerimit dhe thellimit të bashkëpunimit ekonomik, me qëllim të arritjes së nivelit të marrëdhënieve të shkëlqyera politike.
Ambasadori Markus shprehu mirënjohje për mikpritjen e ngrohtë, duke qenë i bindur se vizita zyrtare e paralajmëruar e Presidentit sllovak Peter Pellegrini do të paraqetë mundësi për një kapitull të ri në marrëdhëniet e ndërsjella.
Presidentja e falënderoi atë për angazhimin e tij diplomatik dhe i uroi suksese në nivel personal dhe profesional.
