Presidenti Stevo Pendarovski sot e priti drejtorin e Agjencisë për Realizimin e të Drejtave të Bashkësive, Eran Kurtish dhe zëvendësdrejtorin Xhelal Hoxhiq.
Në këtë takim Presidenti Pendarovski u informua mbi proceset aktuale dhe Planin strategjik të punës së Agjencisë, si dhe për sfidat me të cilat ballafaqohen në lidhje me çështjet për realizimin e të drejtave të bashkësive joshumicë në shtetin tonë.
Në këtë kontekst është nënvizuar nevoja për intensifikim të aktiviteteve të fushave prioritare të cilat janë pjesë e Planit strategjik të punës 2020-2022, me qëllim të zbatimit më efikas të përpjekjeve për barazi, zhvillim, integrim dhe prosperitet të bashkësive etnike në vend.
Presidenti Pendarovski theksoi se sigurimi i të drejtave të bashkësive mundëson shans të barabartë për realizim personal të çdo qytetari, që është një nga parakushtet themelore për zhvillimin e përgjithshëm dhe stabilitetin e shoqërisë. Në këtë drejtim Presidenti e riafirmoi mbështetjen e tij të vazhdueshme të përpjekjeve për përparim të të drejtave të të gjitha bashkësive etnike në Republikën e Maqedonisë së Veriut, në përputhje me të drejtat e tyre të garantuara me Kushtetutë.
