Në margjinat e Konferencës së Sigurisë në Munih, Presidenti Pendarovski sot u takua me Havier Solanën, ish-sekretar i përgjithshëm i NATO-s, përfaqësues i lartë për politikë të përbashkët të jashtme dhe siguri të BE-së dhe ministër i Punëve të Jashtme të Spanjës.
Në fokus të bisedës ishin zhvillimet aktuale politike dhe të sigurisë në Evropë, ndikimi i tyre në rajonin tonë dhe rëndësia e integrimit të tij në Bashkim. Presidenti Pendarovski e informoi bashkëbiseduesin mbi ngjarjet e fundit politike të brendshme në vend, rrjedhën e proceseve reformuese dhe dinamikën e re në marrëdhëniet e mira fqinjësore.
Solana, i cili është presidenti aktual i Qendrës për Ekonominë dhe Gjeopolitikën Globale (EsadeGeo) dhe mik i dëshmuar i Maqedonisë së Veriut, duke u përfshirë edhe në Grupin e Ohrit në mbështetje të vendit për anëtarësimin në BE dhe NATO, e përshëndeti edhe një herë rolin konstruktiv maqedonas në Ballkani Perëndimor si shembull për zgjidhjen e çështjeve të vështira, si dhe nevojën për realizim të agjendës evropiane në kontekst të integrimit, duke theksuar se Bashkimi duhet të zbatojë sa më shpejt që të jetë e mundur vendimet e veta.