Presidenti Stevo Pendarovski sot në Sofje pati takim trepalësh me kryetaren e Komisionit Evropian, Ursula fon der Lejen dhe Presidentin e Republikës së Bullgarisë, Rumen Radev.
Në këtë takim u bisedua mbi vijimin e integrimeve evropiane të Maqedonisë së Veriut dhe fazat e mëtejshme në negociata, si edhe mbi krizën energjetike me sfidat e të cilës po ballafaqohet Evropa.
Presidenti Pendarovski tha se Maqedonia e Veriut pret mbështetje nga BE-ja për ballafaqimin me krizën energjetike dhe e theksoi rëndësinë e mbështetjes së ndërsjellë për përforcimin e sigurisë rajonale energjetike.
