Presidenti Stevo Pendarovski sot në takim lamtumire e mirëpriti ambasadoren e Ukrainës, Natalia Zadorozhnjuk.
Në këtë takim u bisedua për marrëdhëniet bilaterale midis dy shteteve, ku është vlerësuar se ato karakterizohen nga mirëkuptimi dhe mbështetja e ndërsjellë.
Bashkëfolësit shprehën bindjen se relacionet midis dy vendeve do të vazhdojnë të përparojnë me përpjekje, përkushtim dhe angazhim të përbashkët.
Presidenti Pendarovski e riafirmoi mbështetjen për sovranitetin dhe integritetin territorial të Ukrainës, si edhe për ndihmën ushtarake, politike dhe humanitare që vendi ia jep Ukrainës.
Presidenti Pendarovski e falënderoi për angazhimin diplomatik ambasadoren Zadorozhnjuk dhe për kontributin në zhvillimin e marrëdhënieve maqedonase-ukrainase dhe i dëshiroi sukses të mëtejshëm në plan personal dhe profesional.
