Presidenti Stevo Pendarovski sot e vizitoi zyrën e Programit për Zhvillim të Kombeve të Bashkuara (UNDP) në Republikën e Maqedonisë së Veriut.
Në suazat e kësaj vizite Presidenti Pendarovski u takua me përfaqësuesin e përhershëm të UNDP-së, Armen Grigorjan dhe me koordinatoren e përhershme të Kombeve të Bashkuara në Vend, Rosana Duxhak, të cilët e informuan mbi aktivitetet e përgjithshme, projektet aktuale dhe programet e UNDP-së në shumë fusha kryesore në vend.
Presidenti Pendarovski u takua edhe me të punësuarit në zyrën e UNDP-së, ku u bisedua mbi politikat rinore, procesin e krijimit të Strategjisë zhvillimore nacionale, mbi sfidat në lidhje me mjedisin jetësor dhe ndotjen e ajrit, vetëqeverisjen lokale, vetëpunësimin, si dhe mbi çështje të tjera që janë në fokusin e aktiviteteve të UNDP-së.
Presidenti e përshëndeti angazhimin e tre dhe realizimin e projekteve të shumta për përmirësimin e cilësisë së jetës dhe mbështetjes në përmbushjen e qëllimeve strategjike të shtetit, si dhe shprehu kënaqësi nga bashkëpunimi i deritanishëm i suksesshëm me UNDP-në, duke e theksuar bashkëpunimin në suazat e përgatitjes së Kornizës zhvillimore MKD 2030, si dhe prezantimin e raporteve vjetore mbi zhvillimin njerëzor të UNDP-së në Maqedoninë e Veriut.
Presidenti theksoi se Kabineti edhe në të ardhmen do të vazhdojë të bashkëpunojë aktivisht me UNDP-në dhe me agjencitë dhe organizatat e tjera të Kombeve të Bashkuara në vend.
