Presidenti Stevo Pendarovski sot i priti delegacionet e Gjykatës Kushtetuese të Republikës së Maqedonisë së Veriut dhe të Gjykatës Kushtetuese të Republikës së Bullgarisë.
Në këtë takim u bisedua mbi bashkëpunimin e përgjithshëm midis gjykatave kushtetuese të të dy shteteve, ku Presidenti Pendarovski shprehu mbështetjen për iniciativat e tyre dhe e përshëndeti nënshkrimin e Memorandumit për bashkëpunim midis dy gjykatave, të nënshkruar në gjuhën maqedonase, bullgare dhe angleze.
Në takim Presidenti Pendarovski tha se puna e gjyqësorit kushtetues është e kyçe në ndërtimin e shtetit juridik funksional dhe mbrojtjes së të drejtave të njeriut. Në këtë takim u fol edhe mbi mundësinë për vendosjen e padisë kushtetuese në të dy shtetet.
Presidenti Pendarovski theksoi se Bullgaria, si shtet anëtar i BE-së, ka përvojë në funksionimin në një rend më të komplikuar juridik dhe si rrjedhim përvoja e tyre në bashkëpunim me Gjykatën e Drejtësisë së BE-së do të jetë me dobi të madhe për procesin eurointegrues të Maqedonisë së Veriut.