Ние, претседателите на Бугарија, Чешката Република, Естонија, Унгарија, Латвија, Литванија, Црна Гора, Северна Македонија, Полска, Романија и Словачка ги осудуваме масовните бомбардирања на украинските градови извршени неодамна од страна на Русија, кои, според меѓународното право, претставуваат воени злосторства.
Потсетуваме дека воените злосторства и злосторствата против човештвото не подлежат на никаков рок на застареност и се опфатени со јурисдикција на судовите ширум светот.
Во име на нашите држави, бараме Русија веднаш да престане со нападите врз цивилните цели. Нема да престанеме со нашите напори да ги изведеме пред суд одговорните за денешните злосторства.
Сметаме дека се неприфатливи какви било закани од руски претставници за употреба на нуклеарно оружје. Во овој контекст, ја потврдуваме нашата посветеност за заштита на нашите земји и сојузници.
Румен Радев
Претседател на Република Бугарија
Милош Земан
Претседател на Чешката Република
Алар Карис
Претседател на Република Естонија
Каталин Новак
Претседател на Унгарија
Егилс Левитс
Претседател на Република Латвија
Гитанас Науседа
Претседател на Република Литванија
Стево Пендаровски
Претседател на Република Северна Македонија
Мило Ѓукановиќ
Претседател на Црна Гора
Анджеј Дуда
Претседател на Република Полска
Клаус Јоханис
Претседател на Романија
Зузана Чапутова
Претседател на Словачката Република
