Претседателот Стево Пендаровски денеска присуствуваше на брифингот на државното раководство со директорката на Директоратот за нуклеарната политика на НАТО, Џесика Кокс која е во дводневна посета на Република Северна Македонија.
На средбата беа разменети мислења и информации за активностите и политиките на НАТО Алијансата за нуклеарно одвраќање. Претседателот Пендаровски истакна дека Северна Македонија ќе продолжи активно да учествува во тековните консултации, процеси и активности на НАТО.
На брифингот покрај претседателот Пендаровски присуствуваа и претседателот на Собранието Талат Џафери, министерката за одбрана, Славјанка Петровска, министерот за надворешни работи, Бујар Османи, началникот на Генералштаб на Армијата и претставници од Министерството за одбрана и Армијата на Република Северна Македонија.