Почитувани граѓани
Ве покануваме на 2 август, 2021 година, понеделник, со почеток во 18:00 часот на Мечкин Камен во Крушево на одбележување на државниот празник 2 Август, Илинден – Денот на Републиката.
Годинава чествуваме 118 години од Крушевската Република и повикот за слобода и правдини и 77 години од Првото заседание на АСНОМ кога беа удрени темелите на современата македонска држава.
Овој ден нека биде мотив да ги надминеме поделбите и сите да се сплотиме околу илинденските и АСНОМ-ски идеали.
На централната свеченост на Мечкин Камен сите заедно да уживаме во изведбите на Ансамблот за македонски народни игри и песни „Танец“, Ансамблот на албански народни ора и песни во Република Северна Македонија, Весна Ѓиновска-Илкова, Влатко Стефановски, воениот оркестар на Армијата, како и во зборот и пораките на илинденците пренесени од Никола Ристановски.
ПРОГРАМА
Централна прослава на
2 Aвгуст, Денот на Републиката–Илинден
Мечкин Камен, Крушево
18:00 часот
Пристигнување на претседателот на Република Северна Македонија, Стево Пендаровски на Мечкин Камен во придружба на почесната стража на баталјонот за почести на Армијата;
Пристигнување на илинденската коњаница;
Положување свежо цвеќе на Мечкин Камен;
Официјални делегации:
- Претседател на Република Северна Македонија, Стево Пендаровски
- Делегација на Собранието на Република Северна Македонија
- Делегација на Владата на Република Северна Македонија
- Делегација на Министерството за одбрана и Армијата
- Делегација на Сојуз на борци од НОВ на Македонија
Положување свежо цвеќе на другите делегации;
Оперската првенка Весна Ѓиновска Илкова ја изведува химната на Република Северна Македонија;
Пригодна реч на Никола Ристановски со пораки за Илинден;
Настап на Ансамблот за македонски народни игри и песни „Танец“;
Настап на Ансамблот на албански народни ора и песни во Република Северна Македонија;
Настап на Влатко Стефановски;
Настап на воениот оркестар на Армијата.
