Претседателот Стево Пендаровски, по повод Денот на ретки болести – 28 Февруари ја упати следната порака:
Пациентите со ретки болести заслужуваат целосна здравствена грижа, да не дозволиме непознатото и предрасудите да бидат пречка за кој било пациент. Да пружиме поддршка и да покажеме солидарност и емпатија.
Не само на 28 февруари кога го одбележуваме Денот на ретките болести, секој ден да ја подигаме свеста за борбата на сите кои страдаат од ретки болести.
Доколку има надеж дека нечиј живот може да се спаси или подобри со одредени терапии или здравствени услуги, тогаш да помогнеме и да овозможуваме системски решенија, соодветни здравствени и социјални услуги за пациентите со ретки болести и нивните семејства.