На сите припадници на Министерството за внатрешни работи им го честитам 7 мај – Денот на македонската полиција.
Организираното, дисциплинирано и пожртвувано исполнување на задачите и справување со безбедносните предизвици од страна на полицијата, е клучно во зачувувањето на човечките животи, како и мирот, безбедноста, сигурноста и поредокот. Затоа е потребно постојано прилагодување на новите состојби и потреби на општеството, унапредување на капацитетите и поширока соработка.
Честитајќи го Денот на македонската полиција, сакам да изразам уверување дека и во иднина ќе продолжите преку чесно, совесно и професионално работење да им служите на сите наши граѓани, да ја штитите нивната лична безбедност и сопственост, и со тоа да придонесувате за јакнење на кредибилноста и довербата кај граѓаните.
