Денеска во Кабинетот на претседателот, Стопанската комора на Северна Македонија го предаде чекот на Дневниот центар за лица со ментална или со телесна попреченост – Берово. Средствата се наменети за реновирање на центарот, за опремување на кабинетите за физио и хидро терапија, како и на сензорната соба за деца со аутизам.
Претходно, Стопанската комора го откупи муралот којшто по повод 30 години независна македонска држава, го изработија уметникот Ѓорѓе Јовановиќ и студентките на Факултетот за ликовна уметност Евгенија Трајковска и Милена Петковска. Овој чин, како што истакнаа од комората, треба да биде само поттик за многу други стопанственици, да покажат општествена одговорност и да даруваат на поединци или на институции на коишто им е потребна помош.
