Претседателот Стево Пендаровски присуствуваше на доделувањето на државната награда „Св. Климент Охридски“ за 2021 година што се одржа во Собранието на Република Северна Македонија.
За остварувања во областа на воспитанието и образованието наградата и беше доделена на универзитетската професорка Ѓулумсер Касапи. Носители на признанието за остварувања во областа на културата и уметноста се писателот Јован Павловски, музичката уметничка Снежана Анастасова-Чадиковска и академската сликарка-костимограф Елена Дончева.
Претседателот Пендаровки упати честитки до овогодинешните носители на признанието.
Државната награда „Св. Климент Охридски” е највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност од јавен интерес на Република Северна Македонија.
