Претседателот Пендаровски ги прими акредитивите на новоименуваниот амбасадор на Еквадор

23 ноември 2022 | Соопштенија

Претседателот Стево Пендаровски денеска ги прими акредитивните писма на новоименуваниот амбасадор на Република Еквадор за Република Северна Македонија, со седиште во Рим, Мигел Фалкони Пуиг.

Во поздравното обраќање на свечената церемонија, претседателот Пендаровски изрази уверување дека кај двете држави постои интерес за натамошно вложување на заеднички напори во насока на севкупно унапредување на односите и соработка на билатерален и на мултилатерален план.

„Убеден сум дека Вашето богато искуство и успешна кариера ќе бидат од посебно значење и ќе придонесат за натамошно интензивирање на односите меѓу Република Северна Македонија и Република Еквадор, креирајќи нови можности за унапредување на билатералниот политички дијалог, но и на иницијативите за зацврстување и проширување на сферите на соработка, вклучувајќи го економскиот, културниот, научно-образовниот и други аспекти од заемен интерес“, порача во обраќањето претседателот Пендаровски.

Амбасадорот во своето обраќање изрази подготвеност за унапредување на економската и трговската соработка меѓу двете земји, јакнење на дијалогот со македонските бизнисмени и унапредување на севкупната договорна рамка помеѓу Еквадор и Северна Македонија, а во насока на продлабочување на пријателските врски.

„Владата на Еквадор предлага да се започне со соодветни преговори за евентуално потпишување на договор за визно ослободување за носителите на дипломатски, официјални и службени пасоши, како и за назначување на почесни конзули на двете земји со седиште во Кито и Скопје. Воедно, би можеле да ги продолжиме преговорите за договор за избегнување на двојно оданочување, договор за заштита на инвестициите, можна размена на студенти меѓу Дипломатската академија на Северна Македонија и Дипломатската академија на Еквадор и меморандум за разбирање за мултилатерални прашања“, истакна амбасадорот Мигел Фалкони Пуиг на церемонијата на предавање на акредитивните писма.

Претседателот Пендаровски му посака успех на амбасадорот и изрази поддршка во вршењето на неговата дипломатската должност.

Категории

Categories

Kategori

Последни вести

Latest news

Lajmet e fundit

Отворен кабинет со деца од Детската градинка „8 Април“ и основци од скопските училишта „Димитар Македонски “, „Киро Глигоров“ и „Кузман Јосифовски-Питу“

Отворен кабинет со деца од Детската градинка „8 Април“ и основци од скопските училишта „Димитар Македонски “, „Киро Глигоров“ и „Кузман Јосифовски-Питу“

Во рамки на активноста Отворен кабинет, денеска Кабинетот на претседателот го посетија деца од Детската градинка „8 Април“ од Шуто Оризари и ученици од основните училишта „Димитар Македонски“ од Аеродром, „Киро Глигоров“ од Центар и „Кузман Јосифовски-Питу“ од Кисела...

Средба на претседателот Пендаровски со претставници на ромски фондации

Средба на претседателот Пендаровски со претставници на ромски фондации

  Претседателот Стево Пендаровски денеска прими претставници на Ромската Фондација за Европа и Фондацијата Ромите за демократија Скопје. На средбата соговорниците го запознаа претседателот Пендаровски со планираните активности на...

Обраќање на претседателот Пендаровски на комеморативниот настан по повод 20-годишнината од загинувањето на претседателот Борис Трајковски и членовите на делегацијата

Обраќање на претседателот Пендаровски на комеморативниот настан по повод 20-годишнината од загинувањето на претседателот Борис Трајковски и членовите на делегацијата

Претседателот Стево Пендаровски вчеравечер се обрати на комеморативниот настан по повод 20-годишнината од загинувањето на претседателот Борис Трајковски и членовите на делегацијата, што се одржа во Националната опера и балет. На комеморативниот настан присуствуваа...

Студенти од Правниот факултет „Јустинијан Први“ во посета на Кабинетот на Претседателот

Студенти од Правниот факултет „Јустинијан Први“ во посета на Кабинетот на Претседателот

Кабинетот на Претседателот, денеска го посетија студенти од Правниот факултет „Јустинијан Први“, при Универзитетот „Св. Кирил и Методиј“ во Скопје. За време на престојот во Кабинетот се сретнаа со претседателот Пендаровски и...

Одбележување на 20-годишнината од загинувањето на претседателот Борис Трајковски и членови на делегацијата

Одбележување на 20-годишнината од загинувањето на претседателот Борис Трајковски и членови на делегацијата

Претседателот Стево Пендаровски, по повод одбележувањето на 20-годишнината од загинувањето на претседателот Борис Трајковски и членовите на делегацијата во авионската несреќа во Босна и Херцеговина, денеска положи венец со свежо цвеќе на гробот на претседателот Борис...