Претседателот Стево Пендаровски денеска ја посети македонската еспорт репрезентација по повод нивното учество и постигнатиот успех на Светското првенство во еспорт, што се одржа во Бали, Индонезија.
Претседателот Пендаровски ѝ честита на македонската CS:GO репрезентација за освоениот шампионат на Светското првенство, и на нашите репрезентативци кои се двократни светски шампиони им посака натамошни меѓународни успеси во електронските спортови.
Воедно, претседателот изрази поддршка на Македонската Еспорт Федерација, како најстара еспорт организација во регионот, којашто го промовира еспортот и компјутерските игри, како посебна спортска дисциплина.
