Вчера централната манифестација за одбележување на Илинден на Мечкин камен во Крушево беше во скратена верзија заради потребата да се одговори соодветно на пожарот во Кочани.
Централната свеченост започна со полагање свежо цвеќе од претседателот Пендаровски и бројни делегации пред споменикот на Мечкин Камен, по што следуваше културно-уметничка програма на која настапија Ансамблот за македонски народни игри и песни „Танец“, Ансамблот на албански народни ора и песни во Република Северна Македонија, Влатко Стефановски и воениот оркестар на Армијата.
Во рамки на културно-уметничката програма, пораките за Илинден ги пренесе актерот Никола Ристановски.
