Претседателот Стево Пендаровски во интервју за „24 анализа“ на Телевизија 24, зборуваше за актуелните прашања од доменот на надворешната политика на земјата, за предлогот на француското претседателство за надминување на блокадата од Бугарија, можностите за усвојување на Преговарачката рамка, и ги коментираше барањата на бугарската страна за промена на Уставот, како и изјавите од страна на Бугарската православна црква.
Во интервјуто претседателот оцени дека на историските прашања и оспорувањата за јазикот не им е место во Преговарачката рамка, нагласувајќи дека таа не може да се усвои, ако ние не кажеме „да“. Во однос на предлогот на француското претседателство со ЕУ, претседателот Пендаровски рече дека ние досега „немаме видено пишан документ“, но дека постоела комуникација меѓу страните и потребно е да се види финалниот предлог во рамки на ЕУ за целосната содржина.
