Претседателот Стево Пендаровски во интервју за емисијата „Утрински брифинг“ зборува за последните случувања во однос на руската агресија врз Украина, за политичките штети и можните економските реперкусии, за ставот на Република Северна Македонија и заклучоците донесени на вчерашната седница на Советот за безбедност.
„Станува збор за сериозен обид да се наруши архитектурата на европската безбедност“, изјави претседателот Пендаровски.
Во интервјуто претседателот говори дали и како воениот напад врз Украина ќе се рефлектира на македонско-руските односи, како и за безбедносните консеквенци врз нашиот регион, потенцирајќи дека најранливата точка на Западен Балкан е Бања Лука.
