Доделено признанието „Инженерски прстен“ на 12 најуспешни дипломирани инженери

23 јуни 2022 | Соопштенија

Претседателот Стево Пендаровски денеска го врачи признанието „Инженерски прстен“ на 12 најуспешни студенти кои дипломирале на факултетите што негуваат инженерски дисциплини во Република Северна Македонија.

Манифестацијата „Инженерски прстен“ се одржува по 19. пат во организација на Инженерската институција на Македонија и Комората на овластени архитекти и овластени инженери, а под покровителство на претседателот на Република Северна Македонија.

Претседателот Пендаровски во своето обраќање истакна дека со доделувањето на ова признание, придонесуваме за афирмирање на инженерските професии, а и самата оваа манифестација придонесува за промоција на инженерството.

„Машинци, архитекти, информатичари, технолози, електротехничари, градежни, земјоделски и шумарски инженери, добитници на инженерскиот прстен, но и сите останати инженери се движечка сила на секоја држава. Тие млади луѓе веќе суштински придонесуваат за македонската економија, а со тоа и за благосостојбата на сите наши граѓани“ рече претседателот Пендаровски на церемонијата на доделувањето на признанието „Инженерски прстен“, која се одржа во Кабинетот на претседателот.

Почитувани,

И годинава, на 19-тото по ред доделување на инженерските прстени на најуспешните студенти од инженерските дисциплини, имам особена чест да ви се обратам како традиционален покровител на оваа значајна манифестација.

Дозволете, најпрво, најискрено да се заблагодарам на Инженерската институција на Македонија и Комората на овластени архитекти и овластени инженери на посветеноста во реализацијата на овој проект и секако, на одличната соработка со мојот кабинет.

Без сомнение, со доделувањето на ова признание, придонесуваме за афирмирање на инженерските професии, а и самата оваа манифестација придонесува за промоција на инженерството. Од она што низ годините го гледаме на овие наши заеднички собири, како и од списокот на добитниците на наградата, можеме да се пофалиме со квалитетен инженерски подмладок кој се повеќе е ценет и кај нас и во странство.

Машинци, архитекти, информатичари, технолози, електротехничари, градежни, земјоделски и шумарски инженери, добитници на инженерскиот прстен, но и сите останати инженери се движечка сила на секоја држава. Тие млади луѓе веќе суштински придонесуваат за македонската економија, а со тоа и за благосостојбата на сите наши граѓани. Верувам дека, како што е случај во развиените земји, и кај нас, се повеќе соодветно ќе се вреднува значењето на инженерските струки, а тие се повеќе ќе стануваат привлечни за младите.

За тоа да се случи, очекувам надлежните институции, секоја во рамките на своите надлежности да придонесат за понатамошниот развој на инженерството кај нас.

Почитувани добитници на признанието Инженерски прстен,

И на денешново доделување, повторно, сакам да ја изразам својата надеж дека најголем дел од вас ќе продолжи да се надградува, да напредува и професионално да се реализира во својата родна земја.  За таа цел, треба да ги отвориме научно-образовните институции и државните институции и органи, но, пред се, стопанските субјекти, за во нив младите инженери да ги реализираат своите знаења и квалитети и професионално да се наградуваат.

Темата за инвестирањето во младите инженери и воопшто во младите не смее да остане само на ниво на пригодна политичка реторика, туку тоа треба да функционира и во пракса. Сите сме заситени од флоскули и убави зборови, додека во реалноста промените не се случуваат со потребното темпо.

Живееме во сложени времиња со постојани тензии, здравствени и економски кризи кои влијаат на нашето спокојство, благосостојба и квалитет на живот. Да се обединиме зад добрите идеи и проекти и да ги искористиме овие години за повлекување на вистинските чекори во насока на развој и напредок на нашата татковина. Проблемите се решаваат само со креативност, иновативност, упорност и самодоверба, а во тој процес движечката сила треба да  бидат нашите млади со чии знаења и вештини, енергија и мотивираност ќе можеме да ги надминеме сите предизвици.

Со желба за просперитетна, модерна и економски силна Република Северна Македонија во која вие ќе си го најдете своето место, Ви честитам на добивањето на Инженерскиот прстен  за 2022 година и Ви посакувам, пред се, добро здравје, многу среќа и успех во градењето на вашите инженерски кариери.

Благодарам.

Категории

Categories

Kategori

Последни вести

Latest news

Lajmet e fundit

Средба на претседателот Пендаровски со претставници на ЗНМ и на меѓународни новинарски и медиумски организации

Средба на претседателот Пендаровски со претставници на ЗНМ и на меѓународни новинарски и медиумски организации

Претседателот Стево Пендаровски денеска прими претставници на Здружението на новинари на Македонија, како и претставници на неколку меѓународни новинарски и медиумски организации. На средбата се разговараше за прашања поврзани со слободата на изразување и независноста...

Претседателот Пендаровски ги прими акредитивите на новоименуваниот амбасадор на Ангола

Претседателот Пендаровски ги прими акредитивите на новоименуваниот амбасадор на Ангола

Претседателот Стево Пендаровски денеска ги прими акредитивните писма на новоименуваниот амбасадор на Република Ангола во Република Северна Македонија со седиште во Будимпешта, Жозе Филипе. На церемонијата на предавање на...

Доделено признанието „Инженерски прстен 2023“ на 12 најуспешни дипломирани инженери

Доделено признанието „Инженерски прстен 2023“ на 12 најуспешни дипломирани инженери

Претседателот Стево Пендаровски денеска ги врачи инженерските прстени на 12 најуспешни дипломирани студенти од македонските факултети што негуваат инженерски дисциплини. Манифестацијата „Инженерски прстен“, која традиционално е под покровителство на претседателот на...

Отворен кабинет со ученици од САД на размена во земјава во рамки на програмата Yes abroad

Отворен кабинет со ученици од САД на размена во земјава во рамки на програмата Yes abroad

Во рамки на активноста Отворен кабинет денеска Кабинетот на претседателот го посетија ученици од САД кои се на размена во земјава како дел од програмата Yes abroad на Американски совети за меѓународно образование – Северна Македонија. [gallery...

Интервју на претседателот Стево Пендаровски за Радио Слободна Европа

Интервју на претседателот Стево Пендаровски за Радио Слободна Европа

Понижувачки е да се слушаат критиките кои доаѓаат од САД и ЕУ, но тие претходно направија стратешка грешка и го заборавија Западниот Балкан и овие директни критики доаѓаат дури сега, вели во интервју за Радио Слободна Европа, претседателот Стево Пендаровски. Тој...