Изјава на претседателот Пендаровски за време на официјалната посета на Хеленската Република

5 октомври 2021 | Соопштенија

Претседателот на Република Северна Македонија, Стево Пендаровски, за време на официјалната посета на Хеленската Република, денеска во Атина одржа прес-конференција за претставниците на македонските медиуми, коишто ја проследуваат посетата.

По средбите со претседателката на Хеленската Република, Катерина Сакеларопулу и со премиерот Киријакос Мицотакис, претседателот Пендаровски истакна дека најважно е што двете највисоки политички инстанци во Република Грција потврдиле дека Преспанскиот договор важи, ќе се почитуваа и дека има политичка волја за негова целосна имплементација. Во тој контекст, претседателот Пендаровски го повтори ставот дека договорите мора да се чуваат, заштитуваат и имплементираат и дека тоа е главниот индикатор за сериозноста на страните кои ги потпишуваат и се обврзуваат на нив.

„Ние сме апсолутно сериозни во тој дел, имаме јасна политичка намера да го имплементираме сето она што е внатре напишано и во таа смисла замолив од грчка страна поголема ажурност во однос на неколку елементи, компоненти на Преспанскиот договор, кои пред се, поради Ковид-19 се најдоа во своевиден „стенд-бај“, изјави претседателот Пендаровски.

Претседателот Пендаровски потврди дека по извесна стагнација, Комисијата за трговски брендови и Комисијата за образовни, историски и археолошки прашања, ќе продолжат да работат и дека постои најава за нивна следна средба, независно од предизборниот период во Република Северна Македонија. Во таа насока, претседателот Пендаровски додаде дека Комисијата за археолошки, историски и образовни прашања, уште пред почетокот на пандемијата има постигнато значаен напредок и дека усвоила и усогласила четири записници.

Во однос на средбата со премиерот Мицотакис, претседателот Пендаровски изјави дека побарал помош и поддршка за деблокада на македонските евроинтеграции на престојниот Самит Европска Унија – Западен Балкан, посочувајќи дека Преспанскиот договор претставува и договор за воспоставување на стратешко партнерство меѓу Република Северна Македонија и Република Грција.

„Очекуваме од него поддршка и помош во однос на оние претставници од земјите-членки кои уште се скептични, во прв ред Бугарија, а се разбира и со другите кои евентуално би можеле да имаат некакви забелешки за втората држава која знаете дека досега неформално е третирана во пакет со нас, тоа е Република Албанија“, изјави претседателот Пендаровски.

Претседателот Пендаровски додаде дека на средбите со грчкиот државен врв изразил благодарност за донацијата на 20.000 вакцини, како и за помошта во справување со пожарите на територијата на општина Гевгелија.

„Практично покажавме како функционира европската солидарност и како треба да функционира и понатаму, независно каде постојат проблеми од таков тип“, изјави претседателот Пендаровски.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод 27 јануари, Меѓународниот ден за сеќавање на жртвите од Холокаустот

Порака од претседателот Пендаровски по повод 27 јануари, Меѓународниот ден за сеќавање на жртвите од Холокаустот

По повод 27 јануари, Меѓународниот ден за сеќавање на жртвите од Холокаустот, претседателот Стево Пендаровски ја испрати следната порака: Милионите жртви, неправди и ужасот од холокаустот нè потсетуваат на нашата заедничка историска одговорност да градиме демократски...

Обраќање на претседателот Пендаровски на традиционалниот годишен прием за претставниците на дипломатскиот кор

Обраќање на претседателот Пендаровски на традиционалниот годишен прием за претставниците на дипломатскиот кор

Претседателот Стево Пендаровски се обрати на традиционалниот годишен прием што за претставниците на дипломатскиот кор, акредитирани во Република Северна Македонија, го приреди вчеравечер во Скопје. Во улога на доајен на дипломатскиот кор, на приемот се обрати...

Честитка од претседателот Пендаровски по повод празникот Свети Сава

Честитка од претседателот Пендаровски по повод празникот Свети Сава

Претседателот Стево Пендаровски по повод празникот Свети Сава упати честитка до припадниците на српската заедница во Република Северна Македонија. Почитувани сограѓани од српската заедница, Дозволете во мое лично име и во името на сите граѓани на Република Северна...

Проштална средба на претседателот Пендаровски со грузиската амбасадорка Лилуашвили

Проштална средба на претседателот Пендаровски со грузиската амбасадорка Лилуашвили

Претседателот Стево Пендаровски денеска во проштална средба ја прими Тамуна Лилуашвили, амбасадорката на Грузија во Република Северна Македонија. На средбата се разменија мислења за билатералните односи меѓу двете држави, актуелните состојби и предизвиците во...

Повик за акредитирање на медиумски екипи – Официјална посета на претседателката на Унгарија, Н.Е. г-а Каталин Новак на Република Северна Македонија, 5 и 6 февруари 2023 година

Повик за акредитирање на медиумски екипи – Официјална посета на претседателката на Унгарија, Н.Е. г-а Каталин Новак на Република Северна Македонија, 5 и 6 февруари 2023 година

Ве известуваме дека на 5 и 6 февруари 2023 година во официјална посета на Република Северна Македонија ќе престојува претседателката на Унгарија, Каталин Новак. Заинтересираните медиуми за следење на официјалната посета потребно е да се акредитираат најдоцна до 1...