Претседателот Стево Пендаровски денеска ги прими Авнија Рахте и Аце Димоски, претставници на Македонската горанска заедница од Косово.
Претставниците на Македонската горанска заедница го запознаа претседателот со активностите за афирмација на нивниот идентитет и посебност како етничка заедница во Република Косово, а со цел унапредување на положбата и остварување на нивните права.
Претседателот Пендаровски изрази поддршка за нивните заложби за зачувување на етничкиот, јазичниот и културен идентитет на македонската заедница, како и на нивното делување во рамки на Консултативниот совет на заедниците на Косово и продлабочување на македонско-косовските односи.
