Претседателот Пендаровски ги додели признанијата „Македонски квалитет“ за 2022 година

23 декември 2022 | Обраќања, Соопштенија

Претседателот Стево Пендаровски, денеска го додели признанието „Македонски квалитет“ за 2022 година на десет претпријатија, кои дале значаен придонес во развојот на националната економија и нејзина промоција на меѓународно ниво.

Традиционалната манифестација е во организација на Сојузот на стопански комори на Македонија, а под покровителство на претседателот Пендаровски.

Во согласност со воспоставените критериуми, добитници на годинашните признанија за „Македонски квалитет“ се компаниите „Слога Пром“, „Гео Мрежа“, „Дуна“, „Вита Нова“, „Рептил“, „Перпетуумобиле секјурити“, фирмата „Тримекс“ Скопје, винаријата „Бовин“,  хотелите „Климетица“ и „Маива“ и  иницијативата „Донирај компјутер“.

Почитувани членови на Сојузот на стопански комори,

Ценети присутни,

Дами и господа,

Чест ми е да бидам покровител на традиционалното доделување на признанието за Македонски квалитет. И годинава, десет успешни претпријатија од Република Северна Македонија заслужно ќе ја добијат оваа престижна награда што ја доделува Сојузот на стопански комори.

Утре, на 24 декември, се навршуваат 118 години од раѓањето на Џозеф Јуран, еден од најголемите популаризатори на концептот за квалитетот во производството и на самиот производот. Јуран е еден од првите кој зборувал за високата цена на нискиот квалитет. Според него, квалитетот на производот или услугата е најдобриот бизнис план кој една компанија може да го изработи. Освен што ја прави компанијата поконкурентна, повисокиот квалитет значи и помалку грешки и загуби во процесот на производството. Не случајно еден од неговите модерни почитувачи бил и Стив Џобс, кој сметал дека дел од неговата одговорност е да биде аршин на квалитетот, и дека за да биде успешна, компанијата треба да одржува амбиент на извонредност.

Меѓутоа, во време на економска и енергетска криза, висока инфлација и ценовни шокови, големо е искушението на компаниите да направат компромис. Некои да ги зголемат цените, а други да го намалат квалитетот на производите и услугите што ги нудат. Колку и да се понекогаш нужни, и двата пристапи можат да имаат негативни последици. Долгорочно гледано, и компаниите и клиентите плаќаат висока цена за нискиот квалитет на производот – компаниите поради загубите во производството, а клиентите поради загубената доверба.

Како и насекаде во светот, така и многу компании кај нас се наоѓаат во незавидна позиција. Да се инсистира на квалитет, и да се вложува во развој на својот потенцијал во кризни времиња претставува вистински подвиг, за што не е потребна само храброст, туку, пред сѐ, план и визија. Познато  е дека компаниите што истрајуваат на овој пат многу полесно и побрзо ги пребродуваат кризите.

Почитувани,

Денеска имаме вистинско задоволство да ги наградиме оние македонски брендови кои не правејќи компромис со квалитетот, остануваат доволно атрактивни и за клиентите и за потрошувачите.

Имајќи ја предвид сложената економска состојба, овие претпријатија не само што не отстапија од својата посветеност на квалитетот, туку со тоа придонесоа и за повисок економски раст, што е национален приоритет број еден. Овој приоритет подразбира зголемување на продуктивноста, подигнување на конкурентноста на економијата, масивно вложување во иновациите и технолошкиот развој и нови домашни и странски инвестиции. Многу од овие аспекти зависат токму од подготвеноста на секоја од компаниите да не отстапат од парадигмата на квалитетот и во кризни и во мирни времиња.

На крајот, дозволете ми, на сите добитници уште еднаш да им честитам за признанието, и да им посакам и ним, но и на останатите членки на Сојузот на стопански комори успешна и плодна работа во 2023 година.

Ви благодарам.

Категории

Categories

Kategori

Последни вести

Latest news

Lajmet e fundit

Честитка од претседателот Пендаровски по повод Рамазан бајрам

Честитка од претседателот Пендаровски по повод Рамазан бајрам

Претседателот Стево Пендаровски, по повод големиот муслимански празник Рамазан бајрам, упати честитка до граѓаните од исламска вероисповед во Република Северна Македонија и до поглаварот на Исламската верска заедница Реис-ул-улема х. хфз. Шаќир еф. Фетаху. Почитуван...

Средба на претседателот Пендаровски со делегација на Пацифичкиот Совет од САД

Средба на претседателот Пендаровски со делегација на Пацифичкиот Совет од САД

Претседателот Стево Пендаровски денеска прими делегација од Пацифичкиот Совет од САД, која престојува во посета на нашата држава. Истакнувајќи дека Соединетите Американски Држави се наш најголем стратешки партнер и сојузник во НАТО, претседателот Пендаровски посочи...

Средба на претседателот Пендаровски со лорд Стјуарт Пич, специјален претставник на Обединетото Кралство за Западен Балкан

Средба на претседателот Пендаровски со лорд Стјуарт Пич, специјален претставник на Обединетото Кралство за Западен Балкан

Претседателот Стево Пендаровски денеска го прими лорд Стјуарт Пич, специјален претставник на Обединетото Кралство за Западен Балкан. Двајцата соговорници разменија мислења за актуелните случувања во регионот на Западен Балкан, за стратешките интереси на земјава и...

Средба со Џилиан Стирк, Шеф на мисијата за набљудување  на претстојните избори (ЕОМ) на ОБСЕ – Канцеларија за демократски институции и човекови права (ОДИХР)

Средба со Џилиан Стирк, Шеф на мисијата за набљудување  на претстојните избори (ЕОМ) на ОБСЕ – Канцеларија за демократски институции и човекови права (ОДИХР)

Претседателот Стево Пендаровски, денеска ја прими Џилиан Стирк, Шеф на мисијата за набљудување на претстојните избори (ЕОМ) на ОБСЕ – Канцеларија за демократски институции и човекови права (ОДИХР). На средбата претседателот Пендаровски беше запознаен со планираните...

Честитка од претседателот Пендаровски до верниците кои го прославуваат Велигден според Грегоријанскиот календар

Честитка од претседателот Пендаровски до верниците кои го прославуваат Велигден според Грегоријанскиот календар

Претседателот Стево Пендаровски, по повод големиот христијански празник Воскресение Христово – Велигден, упати честитка до д-р Киро Стојанов, Скопски бискуп и епарх струмичко-скопски, и до сите христијански верници кои го прославуваат Велигден според Грегоријанскиот...