Порака од претседателот Пендаровски по повод Меѓународниот ден на медицинските сестри – 12 мај

12 мај 2023 | Обраќања

Почитувани медицински сестри, техничари, акушерки и стоматолошки сестри,

Дозволете најпрво да ви го честитам Меѓународниот ден на медицинските сестри 12 мај. Чест ми е што можам да ве поздравам преку ова видео обраќање во рамките на вашата свечена академија по повод денот на медицинските сестри. Вие сте виталната сила на нашето здравство, секогаш посветени на пациентите и на спасувањето на нивните животи и зачувување на нивното здравје.

Неодамна од Светската здравствена организација беше и официјално прогласен крај на пандемијата на Ковид 19, кој однесе многу животи, вклучително и на многу наши сограѓани, меѓу кои и ваши колешки, медицински сестри. Вие бевте најизложени на  вирусот, но,  останавте професионални, пожртвувани, хумани и солидарни, не штедејќи го своето здравје и своите животи. Затоа најголемо благодарам до сите здравствени работници и вечна слава на сите кои прерано не напуштија.

Драги пријателки и пријатели,

Сакам да ја искористам оваа можност и да им честитам  на добитниците на признанијата за најхумани сестри во минатата година. Исто така честитки и до Унијата на Здруженија на медицински сестри, предводена од Здружението за медицински сестри, техничари, акушерки и стоматолошки сестри „За нас Скопје“, за сета досегашна активност и ангажман. Вие се залагате за унапредување на положбата на сестрите и акушерките на нивното работно место и постојано барате решенија со кои ќе се подобри квалитетот на негата на пациентите и со кои ќе се потенцира важноста за нашето здравство на сестрите, акушерките и студентите по сестринство. Ги повикувам сите надлежни институции да ги подржат вашите напори и заедно да работиме на подобрување на нашиот здравствен систем, и за пациентите и за здравствените работници. Не можеме да зборуваме за просперитетна држава без квалитетна здравствена заштита и унапредување на здравствениот систем преку инвестиции во техника, опрема, објекти, но пред се во човечките ресурси.

На крајот, би сакал да ви посакам, радост, среќа и успех на личен и на професионален план.

Стево Пендаровски

 

 

Категории

Categories

Kategori

Последни вести

Latest news

Lajmet e fundit

Честитка од претседателот Пендаровски по повод Рамазан бајрам

Честитка од претседателот Пендаровски по повод Рамазан бајрам

Претседателот Стево Пендаровски, по повод големиот муслимански празник Рамазан бајрам, упати честитка до граѓаните од исламска вероисповед во Република Северна Македонија и до поглаварот на Исламската верска заедница Реис-ул-улема х. хфз. Шаќир еф. Фетаху. Почитуван...

Средба на претседателот Пендаровски со делегација на Пацифичкиот Совет од САД

Средба на претседателот Пендаровски со делегација на Пацифичкиот Совет од САД

Претседателот Стево Пендаровски денеска прими делегација од Пацифичкиот Совет од САД, која престојува во посета на нашата држава. Истакнувајќи дека Соединетите Американски Држави се наш најголем стратешки партнер и сојузник во НАТО, претседателот Пендаровски посочи...

Средба на претседателот Пендаровски со лорд Стјуарт Пич, специјален претставник на Обединетото Кралство за Западен Балкан

Средба на претседателот Пендаровски со лорд Стјуарт Пич, специјален претставник на Обединетото Кралство за Западен Балкан

Претседателот Стево Пендаровски денеска го прими лорд Стјуарт Пич, специјален претставник на Обединетото Кралство за Западен Балкан. Двајцата соговорници разменија мислења за актуелните случувања во регионот на Западен Балкан, за стратешките интереси на земјава и...

Средба со Џилиан Стирк, Шеф на мисијата за набљудување  на претстојните избори (ЕОМ) на ОБСЕ – Канцеларија за демократски институции и човекови права (ОДИХР)

Средба со Џилиан Стирк, Шеф на мисијата за набљудување  на претстојните избори (ЕОМ) на ОБСЕ – Канцеларија за демократски институции и човекови права (ОДИХР)

Претседателот Стево Пендаровски, денеска ја прими Џилиан Стирк, Шеф на мисијата за набљудување на претстојните избори (ЕОМ) на ОБСЕ – Канцеларија за демократски институции и човекови права (ОДИХР). На средбата претседателот Пендаровски беше запознаен со планираните...

Честитка од претседателот Пендаровски до верниците кои го прославуваат Велигден според Грегоријанскиот календар

Честитка од претседателот Пендаровски до верниците кои го прославуваат Велигден според Грегоријанскиот календар

Претседателот Стево Пендаровски, по повод големиот христијански празник Воскресение Христово – Велигден, упати честитка до д-р Киро Стојанов, Скопски бискуп и епарх струмичко-скопски, и до сите христијански верници кои го прославуваат Велигден според Грегоријанскиот...