Во Кабинетот на претседателот денеска беше потпишан Меморандум за соработка помеѓу генералниот секретар на Кабинетот на претседателот, Mиле Бошњаковски и деканот на Филозофскиот факултет при Универзитетот „Св. Кирил и Методиj“, проф. д-р Ратко Дуев.
Соработката помеѓу Кабинетот на претседателот и Филозофскиот Факултет ќе опфати низа активности кои вклучуваат организирање и реализирање на практична работа на студентите, научни и студентски конференции, обуки, летни школи, семинари, работилници, промоции и трибини.
Во рамки на активностите предвидено е да се направи промоција на материјали печатени со Брајово писмо за ученици и студенти, соработка во активности на вмрежување на здруженијата на лица со оштетен вид во насока на олеснување на пристапот до материјали печатени со Брајово писмо, изработка на материјали со фонт за лица со дислексија, изработка на 3Д артефакти верни на оригиналот за промоција на културното наследство, како и взаемна размена на информации, знаења и искуства од областите од заеднички интерес.
