Работна средба со претставници на граѓанскиот сектор со цел финализирање на МКД2030

13 мај 2022 | Соопштенија

Претседателот Стево Пендаровски денеска одржа работна средба со претставници на граѓанскиот сектор со цел финализирање на Рамката за развој МКД2030, што се изготвува на негова иницијатива.

Посочувајќи на потребата за заедничка платформа која ќе претставува долгорочна визија за развојот и иднината на земјава, претседателот Пендаровски истакна дека се планира МКД2030 да биде платформа за која ќе има национален консензус околу приоритетите каде треба да инвестираме и каде да ги насочиме нашите ресурси, со фокус за иднината, а со цел напредок и подобар живот за граѓаните.

Претседателот Пендаровски изрази благодарност до присутните за прифаќањето на поканата да дадат придонес во финализирањето на стратешкиот документ и во изнаоѓањето на квалитетни и одржливи решенија за развојот и иднината на Република Северна Македонија.

Денешната работна средба е дел од финалните консултации со истакнати стручни лица од земјава и странство во процесот на изработка на стратешкиот документ. Досега беа реализирани работни средби со претставници од бизнис секторот, експерти од областа на економијата и финансиите, академската заедница, граѓански и меѓународни организации и истакнати професионалци од повеќе области.

Рамката за развој МКД2030 официјално ќе биде промовирана во средината на годинава, и ќе биде доставена до Владата како основа за Националната развојна стратегија 2022-2042.

Категории

Categories

Kategori

Последни вести

Latest news

Lajmet e fundit

Претседателот Пендаровски ја посети компанијата ,,Везе Шари” и општина Пласница

Претседателот Пендаровски ја посети компанијата ,,Везе Шари” и општина Пласница

Претседателот Стево Пендаровски, во рамки на проектот „Лице в лице со Претседателот“ денеска во селото Требош, Општина Желино ја посети компанијата „Везе шари“. За време на посетата, претседателот Пендаровски беше запознаен со тековната работа на компанијата, која...

Изјава на претседателот Пендаровски на денешната прес-конференција

Изјава на претседателот Пендаровски на денешната прес-конференција

Претседателот Стево Пендаровски денеска одржа прес-конференција. Во продолжение е интегралниот текст на изјавата на претседателот Пендаровски. Почитувани медиуми, Почитувани граѓани, Благодарам за вашето присуство. Повод за...

Претседателот Пендаровски присуствуваше на завршниот настан „Иднината почнува дома“

Претседателот Пендаровски присуствуваше на завршниот настан „Иднината почнува дома“

Претседателот Стево Пендаровски вчеравечер присуствуваше на завршниот настан „Иднината почнува дома“, на којшто беа доделени признанија на триесет и двајцата номинирани личности, кои со нивната индивидуална ангажираност придонеле како двигатели на позитивни промени во...

Отворен Кабинет за претставници на Mладински клуб на Турците и ученици од ООУ „Браќа Миладиновци“

Отворен Кабинет за претставници на Mладински клуб на Турците и ученици од ООУ „Браќа Миладиновци“

Кабинетот на претседателот, денеска го посетија претставници на Mладински клуб на Турците и ученици од ООУ „Браќа Миладиновци“ од Аеродром, Скопје, во рамки на активноста Отворен Кабинет. [gallery...

Обраќање на сопругата на претседателот на панел дискусија по повод Денот на ретките болести

Обраќање на сопругата на претседателот на панел дискусија по повод Денот на ретките болести

  Сопругата на претседателот Елизабета Ѓоргиевска присуствуваше и се обрати на панел дискусија посветена на Денот на ретките болести во организација на Националната алијанса за ретки болести на Македонија – НАБРМ.   [gallery...