Претседателот Пендаровски: Да излеземе во пресрет на младите за да се намали одливот на стручни кадри – Почнува програмата „Млади менаџери и деловни лидери“

25 февруари 2022 | Соопштенија

Претседателот Стево Пендаровски се обрати пред учесниците на програмата „Млади менаџери и деловни лидери“, која се одржува под негово покровителство.

Претседателот Пендаровски во своето обраќање порача дека треба да сме горди што во нашата држава имаме млади кои не запираат само на степенот на своето формално образование, туку имаат желба да продолжат со учење, да ги прошируваат своите интелектуални хоризонти и да ги усовршуваат своите вештини и таленти. Тој потсети и на една од главните цели поради која е иницирана „Рамката за развој МКД 2030“, што неодамна е промовирана, а тоа е да се излезе во пресрет токму на потребите на младите, со крајна цел да се намали одливот на стручни кадри од земјата.

Програмата „Млади менаџери и деловни лидери“ се реализира преку соработка меѓу Кабинетот на Претседателот и Советот на странски инвеститори. Во неа учествуваат триесет и двајца млади лица и осумнаесет компании кои ги ставија на располагање своите капацитети за младите да имаат можност да стекнат нови, практични знаења.

Во продолжение е интегралното обраќање на претседателот Пендаровски.

Добар ден на сите,

Програмата „Млади менаџери и бизнис-лидери“ оваа година ја продолжуваме со проширен состав на учесници, што сведочи дека сме успеале да го поттикнеме вашиот интерес, но и дека минатогодишните учесници покажале квалитет.

Нема поголемо задоволство од тоа кога имате проекти што се остварливи и што даваат мерливи резултати, особено ако тие проекти овозможуваат професионален успех и кариерен развој на младите во нашата земја.

Најпрвин, дозволете да им посакам успешна, перспективна и креативна работа на сите триесет и два избрани кандидати. Комисијата и годинава имаше тешка задача, да ги одбере најдобрите од најдобрите, и верувам дека изборот што го направилa, вие, во целост, ќе го оправдате.

Особено ми е чест што оваа програма е препознаена и вреднувана како успешна и од нашата бизнис-заедница. Годинава имате можност да соработувате со врвни професионалци од вкупно 18 големи наши компании од кои десет се нови во процесот, и се разбира, имате можност да учите од нив. Сите тие компании ви ја даваат својата доверба, отворени се да ги слушнат вашите бизнис-планови и идеи и сакаат да придонесат во вашата стручна обука и професионална надградба.

Голема благодарност до г. Штефан Петер за иницијативноста, до Советот на странски инвеститори и до сите компании што нѝ се приклучија и што делегираа свои вработени – ментори, кои ќе ги водат овие млади луѓе низ целиот овој процес се до успешно комплетирање на задачата.

Треба да сме горди што во нашава држава имаме млади кои не запираат само на степенот на своето формално образование, туку имаат желба да продолжат со учење, да ги прошируваат своите интелектуални хоризонти и да ги усовршуваат своите вештини и таленти. Тоа треба да нѐ охрабрува сите нас, согласно со ресурсите на располагање, да им дадеме шанса со што ќе го отвориме патот за нивна професионална реализација.

Дозволете ми да потсетам дека една од главните цели поради која ја иницирав „Рамката за развој МКД 2030“, што неодамна ја промовиравме, е да излеземе во пресрет токму на потребите на младите, со крајна цел да се намали одливот на стручни кадри од земјата. Многупати сум кажал дека од клучно значење е да ги лоцираме областите каде што имаме потреба од вложувања и од инвестиции и таму да ги насочиме нашите ресурси. Во таа смисла, особено важно е да се адаптира пазарот на труд на реалните потреби. А тоа значи да продуцираме стручни кадри кои навистина нѝ се потребни, кои ќе бидат способни да го одржуваат развојот на државата и да придонесат за натамошен прогрес на општеството.

Само заедница на граѓани со отворени умови има перспектива за развој и напредок. Колку повеќе учиме толку повеќе и даваме шанса на нашата креативност и доаѓаме до нови идеи и до иновации кои не движат напред. Мора да бидеме подготвени да изнаоѓаме функционални решенија и политики во глобалниот амбиент кој постојано се менува.

Почитувани,

Оваа програма е замислена младите да почувствуваат како практично функционира бизнисот од прва рака, да добијат конкретна можност да дадат свој придонес, но истовремено претставува и тест за преиспитување на нивните индивидуални афинитети и капацитети.

Дозволете на крајот уште еднаш на сите учесници да им посакам успешна соработка со компаниите. Искрено се надевам дека дел од вас своите професионални кариери во иднина ќе ги градат токму во некоја од овие наши успешни компании.

Ви посакувам да ја задржите мотивацијата и да работите на себе, затоа што само така ќе успеете да се реализирате во бизнисот.

Ви благодарам.

Категории

Categories

Kategori

Последни вести

Latest news

Lajmet e fundit

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Активности на сопругата на претседателот, Елизабета Ѓоргиевска со сопругата на австрискиот претседател, Дорис Шмидауер

Сопругата на претседателот, Елизабета Ѓоргиевска заедно со Дорис Шмидауер, сопруга на сојузниот претседател на Република Австрија, Александер Ван Дер Белен коишто престојуваат во официјална посета на Република Северна Македонија, денеска во Канцеларијата на...

Претседателите Пендаровски и Ван дер Белен се обратија на Македонско-австрискиот економски форум

Претседателите Пендаровски и Ван дер Белен се обратија на Македонско-австрискиот економски форум

Претседателот Стево Пендаровски и претседателот Александер Ван дер Белен, во рамки на официјалната посета на австрискиот претседател на Република Северна Македонија, денеска се обратија на Македонско-австрискиот економски форум „Зајакнување на деловните односи меѓу...

Претседателот Пендаровски и претседателот Ван дер Белен положија венци на гробот на Гоце Делчев во црквата „Св. Спас“

Претседателот Пендаровски и претседателот Ван дер Белен положија венци на гробот на Гоце Делчев во црквата „Св. Спас“

Во рамки на официјалната посета на сојузниот претседател на Република Австрија на Република Северна Македонија, претседателот Стево Пендаровски и претседателот Александер Ван дер Белен положија венци на гробот на македонскиот револуционер Гоце Делчев во црквата „Св....

Прес-конференција на претседателите Пендаровски и Ван дер Белен: Австрија е докажан пријател на регионот

Прес-конференција на претседателите Пендаровски и Ван дер Белен: Австрија е докажан пријател на регионот

Во рамки на официјалната посета на сојузниот претседател на Република Австрија, Александер Ван дер Белен на Република Северна Македонија, претседателите Пендаровски и Ван дер Белен одржаа заедничка прес-конференција. Во продолжение е интегралниот текст од изјавата на...

Церемонија со највисоки државни и воени почести – претседателот Пендаровски го пречека сојузниот претседател на Австрија, Александер Ван дер Белен

Церемонија со највисоки државни и воени почести – претседателот Пендаровски го пречека сојузниот претседател на Австрија, Александер Ван дер Белен

На церемонија со највисоки државни и воени почести претседателот Стево Пендаровски денеска го пречека сојузниот претседател на Република Австрија, Александер Ван дер Белен, кој во придружба на неговата сопруга, Дорис Шмидауер, престојува во официјална посета на...