Претседателот Пендаровски се обрати на доделувањето на Наградата за младинско учество по повод Меѓународниот ден на младите

13 август 2022 | Соопштенија

Претседателот Стево Пендаровски, вчеравечер се обрати на свечената церемонија на доделување на Наградата за младинско учество, што по повод Меѓународниот ден на младите, се одржа во Кабинетот на претседателот.

Годинешни носители на наградата се актерката Изабела Јакимова, во индивидуална категорија, неформалната група на млади Младите на Една може (One Can Youth), во категоријата на неформални групи на млади, и здружението Гоу Грин (Go Green), во категоријата на младински организации, организации за млади и младински чадор организации.

Наградата за младинско учество ја доделува Агенцијата за млади и спорт во соработка со Националниот младински совет на Македонија и има за цел да го препознае и валоризира трудот на младите при адресирање на различни општествени прашања.

Наградата во трите категории ја врачија Наумче Мојсовски, директор на Агенцијата за млади и спорт и Марија Крстевска, претседателка на Национален младински совет на Македонија.

Во продолжение го проследуваме интегралниот текст од обраќањето на претседателот Пендаровски.

Почитувани присутни,

Во текот на оваа меѓународна недела на младите се зборуваше за новата Стратегија за млади, за законот за младинско учество и младински политики, за законот за младинска работа и за Рамката за развој МКД 2030 и со неа поврзаните владини мерки. Но, колку и да се квалитетни, стратегиите, политиките и законите се битни само доколку направат вистинска промена на подобро во реалните животи на луѓето.

Затоа, денеска, на Меѓународниот ден на младите, ќе се фокусираме не на самите документи, туку на она што тие би требало да го овозможат. Меѓу нас се млади луѓе кои преку нивниот општествен ангажман ни ги покажуваат сите добри страни на едно трансформирано, демократско општество.

Карактерот на општеството најдобро ќе го разбереме ако го видиме односот кон неговите најранливи членови, како што се сиромашните, бездомниците, ХИВ позитивните, сираците, децата од еднородителски и самохрани семејства. Слично е и со нашиот третман на животната средина: дали се користи одговорно или се експлоатира бесмилосно. Теодор Рузвелт еднаш со право има речено дека „на луѓето не им е грижа колку вие знаете за нивните проблеми, се додека не дознаат колку вие се грижите за нивните проблеми.“ За жал, во македонското општество, дури и грижата, наместо да биде поттик за акција, честопати се сведува на непријатен натпревар во взаемни обвинувања кој што не направил и слично.

Во таков амбиент, овие млади луѓе, Изабела Јакимова, неформалната група Млади на Една може (One Can Youth) и здружението Гоу Грин (Go Green), преку нивните визии и конкретни активности ни покажаа каква би можела да биде Северна Македонија доколку го слушаме гласот на младите. Тоа е општество во кое се почитува вроденото достоинство на секој негов член, водејќи сметка за животната средина како наше мултигенерациско општо добро.

Нема да претерам ако кажам дека овие млади луѓе се надминуваат и себе си и многумина од нас. Тие самоиницијативно ги препознаваат системските празнини и ги коригираат неправдите на системот. Со нивните дела активно придонесуваат за благосостојба на општеството. И патем, нам, на политичарите ни ги одземаат сите изговори дека решавањето на проблемите е комплицирано, скапо или невозможно. Тие одново ја потврдуваат старата вистина дека токму младите, водени од праведни идеали, се јадрото на секоја прогресивна општествена промена. Овие млади луѓе се само дел од генерацијата што ни влева надеж. Бидејќи, се додека младите имаат желба да се борат со социјалните неправди, има надеж за македонското општество.

Токму со овие признанија за нивните подвизи, ние се обидуваме да ги поттикнеме сите генерации да придонесат кон трансформацијата на Северна Македонија во подобро место за живеење во кое македонските граѓани ќе имаат еднаква шанса да ги реализираат своите потенцијали.

Ви честитам и ви благодарам.

 

Категории

Categories

Kategori

Последни вести

Latest news

Lajmet e fundit

Обраќање на сопругата на претседателот на тркалезната маса „Спречи, одговори, заштити: Како да се зајакне борбата против семејното насилство во Република Северна Македонија“

Обраќање на сопругата на претседателот на тркалезната маса „Спречи, одговори, заштити: Како да се зајакне борбата против семејното насилство во Република Северна Македонија“

Сопругата на претседателот, Елизабета Ѓоргиевска се обрати на тркалезната маса „Спречи, одговори, заштити: Како да се зајакне борбата против семејното насилство во Република Северна Македонија“ што се одржа во организација на Мисијата на ОБСЕ во Скопје, а по повод...

Претседателот Пендаровски се обрати на Светскиот самит за климатски активности во рамки на COP28

Претседателот Пендаровски се обрати на Светскиот самит за климатски активности во рамки на COP28

Претседателот Стево Пендаровски, во рамки на учеството на Конференцијата на Обединетите нации за климатски промени - COP28 која се одржува во Дубаи, Обединетите Арапски Емирати, денеска се обрати на Сегментот на високо ниво на Светскиот самит за климатски активности....

Средба на претседателот Пендаровски со претседателката на Европската банка за обнова и развој, Одил Рено-Басо во Дубаи

Средба на претседателот Пендаровски со претседателката на Европската банка за обнова и развој, Одил Рено-Басо во Дубаи

Претседателот Стево Пендаровски денеска во Дубаи, за време на неговото учество на Конференцијата на Обединетите нации за климатски промени - COP28, оствари средба со претседателката на Европската банка за обнова и развој, Одил Рено-Басо. ...

Средби на претседателот Пендаровски на маргините на Конференцијата на Обединетите нации за климатски промени – COP28 во Дубаи

Средби на претседателот Пендаровски на маргините на Конференцијата на Обединетите нации за климатски промени – COP28 во Дубаи

Претседателот Стево Пендаровски во рамки на учеството на Конференцијата на Обединетите нации за климатски промени – COP28 во Дубаи оствари кратки средби со британскиот крал Чарлс Трети, со кралот на Јордан Абдула Втори, со претседателката на Република Словенија Наташа...

Средба на генералниот секретар на Кабинетот на претседателот со заменик – министерот за надворешни работи на Јапонија

Средба на генералниот секретар на Кабинетот на претседателот со заменик – министерот за надворешни работи на Јапонија

Генералниот секретар на Кабинетот на претседателот Миле Бошњаковски, денеска прими делегација предводена од заменик – министерот за надворешни работи на Јапонија, Јоичи Фуказава, којашто престојува во земјава по повод учеството на Министерски совет на ОБСЕ. [gallery...