Претседателот Стево Пендаровски утре, 6 февруари 2023 година, понеделник, ќе биде домаќин на претседателката на Унгарија, Каталин Новак, која ќе престојува во официјална посета на Република Северна Македонија.
Претседателката Новак на официјална церемонија ќе биде пречекана со највисоки државни и воени почести, по што ќе следува тет-а-тет средба на претседателите Пендаровски и Новак и пленарен состанок на делегациите на Северна Македонија и Унгарија.
Во рамки на посетата, во црквата „Св. Спас“ во Скопје претседателката Новак и претседателот Пендаровски ќе положат венци на гробот на Гоце Делчев.
ПРОГРАМА: понеделник, 6 февруари 2023 година
· 10:00 часот – Официјална церемонија на пречек со највисоки државни и воени почести
· 10:15 часот – Тет-а-тет средба
· 10:30 часот – Пленарен состанок на делегациите
· 11:30 часот – Заедничка прес-конференција на претседателот Пендаровски и претседателката Новак
Ги покануваме акредитираните нови
Официјалната церемонија на пречек и заедничката прес-конференција се отворени за сите акредитирани медиуми, а ќе бидат пренесувани во живо и на дигиталните платформи на претседателот Пендаровски (Фејсбук и Јутјуб).
· 12:10 часот (црква „Св. Спас“) – Полагање на венци на гробот на Гоце Делчев
Ги покануваме акредитираните сним
За време на официјалната посета, унгарската претседателка Новак ќе оствари средби и со претседателот на Собранието Талат Џафери, претседателот на Владата, Димитар Ковачевски, а заедно со претседателот Пендаровски ќе остварат средба со претставници на младински организации.
За сите дополнителни прашања и информации, претставниците на медиумите може да се обратат на Билјана Радева +389 76 45 55 45 biljana.radeva@
