Претседателката Гордана Сиљановска-Давкова, денеска – 12 јули 2025, сабота, во Охрид ќе биде домаќинка на претседателот на Република Албанија, Бајрам Бегај, кој ќе престојува во работна посета на земјава.
Албанскиот претседател ќе биде пречекан во вила „Билјана“ во Охрид, кадешто е предвидена средба и работен ручек со претседателката Сиљановска-Давкова. Во попладневните часови тие ќе посетат културно-историски знаменитости, а вечерта ќе присуствуваат на отворањето на фестивалот „Охридско лето“.
Сиљановска-Давкова ќе се обрати и ќе го прогласи за отворено 65. издание на Меѓународниот фестивал „Охридско лето“, којшто традиционално се одржува под покровителство на претседателот на државата.
За време на посетата, претседателот Бегај ќе биде придружуван од неговата сопруга Арманда Бегај.
Покануваме фоторепортери и сниматели во вила „Билјана“ во Охрид, во 14:30 часот.
Покануваме медиумски екипи кај Чинарот, во Охридската чаршија, во 16:30 часот.
