Обраќање на претседателот Пендаровски по повод 30-годишнината од донесувањето на Уставот на првата независна, меѓународно признаена македонска република

17 ноември 2021 | Обраќања

Почитувани граѓани,

Денес се навршуваат 30 години од донесувањето на Уставот на првата независна, меѓународно признаена македонска република. На 17 Ноември 1991-та, Собранието, по повеќемесечна расправа, го изгласа Уставот со што го заокруживме процесот на осамостојување од поранешната југословенска федерација.

Нашиот Устав не е само формално правно највисок акт во државата. Тој документ е најдобриот доказ за вековната борба за сопствена, демократска држава, и на нашата заедничка визија за праведна, економски развиена и солидарна политичка заедница со човековите права и слободи во нејзиното средиште.

Во историска смисла, во нашиот устав се преплетуваат и надополнуваат Илинден 1903-та, народноослободителната борба и АСНОМ од 1944-та и референдумот за независност од 8 Септември 1991 година. Тој е симбол на илинденскиот идеал на борбата за слобода, еднаквост и братство на сите народи во Македонија. Тој го гарантира државно-правниот континуитет на современата македонска држава со одлуките на АСНОМ. Конечно, тој ја потврди јасно изразената референдумска волја на нашите граѓани за независна држава.

Истовремено, нашиот Устав од 1991-та го симболизира дисконтинуитетот со претходниот, еднопартиски систем на владеење. Тој во себе ги содржи сите вредности и принципи врз кои почиваат прогресивните демократии во светот. Со него беа промовирани суверенитетот на граѓаните, политичкиот плурализам и слободните демократски избори како единствена, легална и легитимна основа на секоја политичка власт. Наместо етноцентричност и национализам, тој декларира еднаквост на сите граѓани без разлика на етничкото или верско определување и истовремено, го гарантира слободниот културен развој и рамноправноста на сите заедници кои живеат во нашата држава. Со обврската за почитување на општоприфатените норми на меѓународното право, нашата држава се потврди како одговорен и стабилен субјект на меѓународната заедница на слободни и суверени нации.

Почитувани граѓани,

Додека на Балканот во деведесетите години од минатиот век се водеа крвави војни мотивирани од екстремен национализам, големодржавен експанзионизам и национална и верска омраза, ние донесовме устав што започнува со одредби за основните слободи и права на човекот и граѓанинот. Како што во 1903-та, во предвечерјето на големите војни на 20 век, со Крушевскиот манифест се определивме за демократска република на слободни и рамноправни луѓе, така и на 17 Ноември 1991-та година покажавме дека имаме државотворен капацитет,  политичка мудрост и визија која недостасуваше кај многу други поголеми народи од нас, со вековна државна традиција.

Големиот германски филозоф Хабермас, го дефинира патриотизмот во современи услови, како уставен патриотизам. Нашиот Устав ги исполнува сите критериуми на еден либерален и демократски устав. И затоа, доколку се прашаме, што треба да правиме за да бидеме македонски патриоти во 21-от век, одговорот е едноставен. Секој од нас, треба да го приложи својот дел за реализација на идеалот запишан во првиот став од првиот член на Уставот кој нашата татковина ја дефинира како суверена, самостојна, демократска и социјална држава.

Нека ни е честит јубилејот!

Нека ни е долговечна државата!

 

 

 

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод 27 јануари, Меѓународниот ден за сеќавање на жртвите од Холокаустот

Порака од претседателот Пендаровски по повод 27 јануари, Меѓународниот ден за сеќавање на жртвите од Холокаустот

По повод 27 јануари, Меѓународниот ден за сеќавање на жртвите од Холокаустот, претседателот Стево Пендаровски ја испрати следната порака: Милионите жртви, неправди и ужасот од холокаустот нè потсетуваат на нашата заедничка историска одговорност да градиме демократски...

Обраќање на претседателот Пендаровски на традиционалниот годишен прием за претставниците на дипломатскиот кор

Обраќање на претседателот Пендаровски на традиционалниот годишен прием за претставниците на дипломатскиот кор

Претседателот Стево Пендаровски се обрати на традиционалниот годишен прием што за претставниците на дипломатскиот кор, акредитирани во Република Северна Македонија, го приреди вчеравечер во Скопје. Во улога на доајен на дипломатскиот кор, на приемот се обрати...

Честитка од претседателот Пендаровски по повод празникот Свети Сава

Честитка од претседателот Пендаровски по повод празникот Свети Сава

Претседателот Стево Пендаровски по повод празникот Свети Сава упати честитка до припадниците на српската заедница во Република Северна Македонија. Почитувани сограѓани од српската заедница, Дозволете во мое лично име и во името на сите граѓани на Република Северна...

Проштална средба на претседателот Пендаровски со грузиската амбасадорка Лилуашвили

Проштална средба на претседателот Пендаровски со грузиската амбасадорка Лилуашвили

Претседателот Стево Пендаровски денеска во проштална средба ја прими Тамуна Лилуашвили, амбасадорката на Грузија во Република Северна Македонија. На средбата се разменија мислења за билатералните односи меѓу двете држави, актуелните состојби и предизвиците во...

Повик за акредитирање на медиумски екипи – Официјална посета на претседателката на Унгарија, Н.Е. г-а Каталин Новак на Република Северна Македонија, 5 и 6 февруари 2023 година

Повик за акредитирање на медиумски екипи – Официјална посета на претседателката на Унгарија, Н.Е. г-а Каталин Новак на Република Северна Македонија, 5 и 6 февруари 2023 година

Ве известуваме дека на 5 и 6 февруари 2023 година во официјална посета на Република Северна Македонија ќе престојува претседателката на Унгарија, Каталин Новак. Заинтересираните медиуми за следење на официјалната посета потребно е да се акредитираат најдоцна до 1...