Претседателот Стево Пендаровски, утре (четврток, 21 април 2022 год.) ќе биде домаќин на претседателот на Република Латвија, Егилс Левиц, кој престојува во официјална посета на Република Северна Македонија.
Претседателот Левиц ќе биде пречекан со највисоки државни и воени почести, по што следува тет-а-тет средба на претседателите и пленарен состанок на делегациите на Латвија и Северна Македонија.
Во рамки на посетата, во црквата „Св. Спас“ во Скопје двајцата претседатели ќе положат венци на гробот на Гоце Делчев.
ПРОГРАМА: четврток, 21 април 2022 година
- 10:00 ч. (плато, Кабинет на претседателот): Церемонија на пречек со највисоки државни и воени почести
- 10:10 ч. Тет-а-тет средба
- 10:25 ч. Пленарен состанок на делегациите
- 11:20 ч. Заедничка прес-конференција на двајцата претседатели
Покануваме новинарски екипи во Кабинетот на претседателот во 9:15 часот.
Официјалната церемонија на пречек, пленарниот состанок и заедничката прес-конференција се отворени за сите медиуми.
Инсерти и фотографии од тет-а-тет средбата ќе бидат дистрибуирани од страна на Секторот за односи со јавностa на Кабинетот на претседателот.
- 12:00 ч. (Црква „Св. Спас“): Полагање на венци на гробот на Гоце Делчев
Покануваме сниматели и фоторепортери во црквата „Св. Спас“ во 11:30 часот.
Инсерти и фотографии од положувањето цвеќе во црквата „Св. Спас“ ќе бидат дистрибуирани од страна на Секторот за односи со јавностa на Кабинетот на претседателот.
За сите дополнителни прашања и информации, претставниците на медиумите може да се обратат на Билјана Радева +389 76 45 55 45 [email protected]
