Сопругата на претседателот Елизабета Ѓоргиевска, денеска учествуваше на онлајн средба во организација на сопругата на украинскиот претседател, Олена Зеленска, во чии рамки беше дискутирано за исходот од вториот Самит на првите дами и господа, којшто се одржа на 23 јули 2022 година во Киев.
Сопругата на претседателот се заблагодари за поканата за учество на онлајн средбата и ја реафирмираше поддршката на нашата земја за Украина особено со прифаќањето на бегалци од Украина и помошта од Црвениот крст, медицинската помош и во однос на образованието. Ѓоргиевска истакна дека нејзините мисли се со украинскиот народ посакувајќи им мир и просперитет.
Учесниците на средбата разменија мислења за идните планови и активности, како и за темите на дискусија на третиот Самит на првите дами и господа, што треба да се одржи во 2023 година.
Во таа насока, беа разгледани можностите за продолжување на натамошната соработка во однос на реализација на хуманитарни и социјални проекти со цел надминување на кризата во Украина.