Ученици од ООУ „Вера Циривири Трена“ и од ООУ„Браќа Миладиновци“ од Скопје денеска го посетија Кабинетот на претседателот Стево Пендаровски, во рамки на програмата Отворен Кабинет.
Посетителите имаа можност да поразговараат со претседателот Пендаровски за неговата работа за тековните активности во Кабинетот и да ги споделат своите интереси во рамки на образовниот процес.
За време на престојот во Кабинетот, ги посетија и просториите во коишто се одвиваат официјални и работни средби, свечености, церемонии и прес-конференции.
Од вработените во Кабинетот учениците беа запознати со историјатот на објектот во којшто е сместен Кабинетот на Претседателот, како и со начинот на функционирање на институцијата, а го разгледаа и импозантниот диптих „Македонија – светла земја“ и „Македонија памети“ дело на академик Глигор Чемерски.
Програмата „Отворен Кабинет“ овозможува непосредна комуникација на граѓаните со претседателот Пендаровски. Во изминативе години Кабинетот го посетиле неколку илјади граѓани од различни возрасти и занимања, младински организации и образовни институции.