Кабинетот на претседателот Пендаровски, во рамки на Отворен Кабинет денеска го посетија основци од училиштата „Мустафа Кемал Ататурк“, „Тихомир Милошевски”, „Гоце Делчев“, како и ученици – членови на здружението „Несил“ од Скопје, посветено на едукативни активности за деца и воспитувачи, истражувања и публикации.
Учениците се сретнаа со претседателот Пендаровски, разговараа за неговата работа, за претседателските надлежности и активностите во Кабинетот, а ги посетија и просториите во коишто се реализираат официјалните и работните средби, како и салите наменети за церемонии и свечености, состаноци и прес-конференции.
Во Мозаик салата го разгледаа впечатливиот диптих „Македонија – светла земја“ и „Македонија памети“, на еден од нашите најзначајни современи уметници – академик Глигор Чемерски.
Отворен Кабинет како дел од проектот Лице в лице овозможува посети на Кабинетот и непосредни средби со претседателот Пендаровски. Досега институцијата ја посетиле илјадници граѓани од различни возрасти, професии и занимања, студенти од земјава и од странство, како и ученици од основни и средни училишта.