Претседателот Стево Пендаровски денеска го прими Дејан Павлески, директор на Агенцијата за странски инвестиции и промоција на извозот.
На средбата, соговорниците разговараа за состојбите во државата во однос на обемот на странски директни инвестиции, како и за последиците во оваа област од пандемијата на Ковид 19.
Директорот Павлевски го информираше претседателот Пендаровски за тековните и најавените странски инвестиции, кои, како што рече Павлески ќе придонесат кон нови вработувања.
Претседателот Пендаровски ја нагласи важноста од континуираната проактивност и партнерски однос на Северна Македонија со странските инвеститори. Во тој контекст претседателот Пендаровски посочи дека е неопходно сите релевантни чинители во државата да градат предвидлив бизнис-амбиент.
