Трет модул на Школата за политики при Претседателскиот центар за политичко образование

6 јуни 2022 | Соопштенија

Викендов во Струга се одржа третиот модул на Школата за политики за 2022 година, при Претседателскиот центар за политичко образование.

Третиот модул на Школата го отворија проф. д-р Александар Љ. Спасов, претседател на Програмскиот совет на Претседателскиот центар за политичко образование, советник на Претседателот за правни прашања и вонреден професор на Правниот факултет „Јустинијан Први“ и Нита Старова, членка на Програмскиот совет на Претседателскиот центар за политичко образование и програмски менаџер во фондацијата „Фридрих Еберт“ – Скопје.

Во фокусот на третиот модул на Школата за политики беа теми поврзани со економијата, социјалните политики и човековите права.

На тема „Големата слика – македонската економија на среден и долг рок“ говореа проф. д-р Ванчо Узунов, редовен професор на Правниот факултет „Јустинијан Први“ при Универзитетот „Св. Кирил и Методиј“ и проф. д-р Глигор Бишев, редовен професор на Економскиот факултет во Прилеп и претседател на Советот за унапредување на високото образование и стратешките истражувања при Стопанска комора на Северна Македонија.

Јоханес Хајдекер, советник за економски прашања на претседателот на Владата на Република Северна Македонија одржа предавање на тема „Практичен поглед: Економски практики и надворешни инвестиции во државата“.

Во рамки на третиот модул на Школата за политики се одржа на тема „Панел дискусија: Социјални политики: социјална заштита и справување со сиромаштијата“, на која учествуваа Мила Царовска, поранешна министерка за образование и наука и поранешна министерка за труд и социјална политика и проф. д-р Лазар Јовевски, редовен професор на Правниот факултет „Јустинијан Први“ при Универзитетот „Св. Кирил и Методиј“.

За социоекономските последици од војната во Украина онлајн предавање одржа проф. д-р Бранимир Јовановиќ, професор на Виенскиот институт за меѓународни економски студии.

За социоекономските последици за Северна Македонија во контекст на здравствената и безбедносната криза во Европа говореше Фатмир Битиќи, заменик на претседателот на Владата задолжен за економски прашања, координација на економските ресори и инвестиции.

На последниот ден од третиот модул на Школата за политики, на тема „Меѓународни и национални механизми за заштита човековите права“ говореше проф. д-р Јелена Ристиќ, вонреден професор на Институт за социолошки и политичко-правни истражувања при Универзитет „Св. Кирил и Методиј“, додека за застапувањето како механизам за остварување на човековите права на Ромите со фокус на Ромките говореше Салија Бекир Хасим, претседателка на „Иницијатива за правата на жените од Шуто Оризари“.

На тема „Стратешки пристап во политичките комуникации“ предавање одржа д-р Сашо Орданоски, новинар и политички аналитичар.

Во рамки на Школата за политики за 2022 година ќе се одржат пет едукативни семинари, кои се реализираат во периодот од март до ноември годинава со еминентни предавачи и обучувачи од државата и од странство.

Школата за политики е организирана во соработка со канцелариите на фондациите и здруженијата во земјава „Фридрих Еберт”, Меѓународен републикански институт (ИРИ), „Конрад Аденауер”, Национален демократски институт за меѓународни работи (НДИ), Фондација за демократија на Вестминстер, Фондација „МК2025” и Регионална организација за младинска соработка (РИКО).

Категории

Categories

Kategori

Последни вести

Latest news

Lajmet e fundit

Претседателот Пендаровски домаќин на Ифтарска вечера по повод Рамазанските пости

Претседателот Пендаровски домаќин на Ифтарска вечера по повод Рамазанските пости

  Претседателот Стево Пендаровски беше домаќин и се обрати на Ифтарската вечера, којашто ја приреди по повод Рамазанските пости и во пресрет на големиот муслимански празник Рамазан Бајрам. На вечерата присуствуваа претставници од државно-владиниот врв, бизнис...

Отворен Кабинет за ученици од скопските основни училишта „Љубен Лапе“ и „Димитар Миладинов“

Отворен Кабинет за ученици од скопските основни училишта „Љубен Лапе“ и „Димитар Миладинов“

Во рамки на Отворен Кабинет, ученици од ООУ „Љубен Лапе“ и од ООУ „Димитар Миладинов“, од Скопје, денеска го посетија Кабинетот на претседателот Стево Пендаровски. Учениците имаа можност да се запознаат...

Претседателот Пендаровски ги прими акредитивните писма на новоименуваниот амбасадор на Белорусија, Сергеј Малиновски

Претседателот Пендаровски ги прими акредитивните писма на новоименуваниот амбасадор на Белорусија, Сергеј Малиновски

Претседателот Стево Пендаровски денеска ги прими акредитивните писма на Сергеј Малиновски, новоименуваниот амбасадор на Република Белорусија во Република Северна Македонија, со седиште во Белград. Претседателот Пендаровски во обраќањето на церемонијата на предавање на...

Претседателот Пендаровски ги прими акредитивните писма на новоименуваниот амбасадор на Египет, Надер Саад

Претседателот Пендаровски ги прими акредитивните писма на новоименуваниот амбасадор на Египет, Надер Саад

Претседателот Стево Пендаровски денеска ги прими акредитивните писма на Надер Саад, новоименуваниот амбасадор на Арапска Република Египет во Република Северна Македонија, со седиште во Софија. Претседателот Пендаровски во...

Средба со учесниците во програмата за регионална мобилност на млади истражувачи и активисти

Средба со учесниците во програмата за регионална мобилност на млади истражувачи и активисти

Претседателот Стево Пендаровски денеска прими учесници во Програмата за истражување на младински и образовни политики во Младински образовен форум (МОФ). За време на средбата младите од Албанија, Србија и од Северна Македонија,...