Во рамки на годинешниот самит на „Македонија 2025”, Претседателскиот центар за политичко образование организираше предавање на тема „Градење на култура на иновации: употреба на технологијата за социо-економски раст“, на кое гостуваше Никола Јуришиќ, експерт за иновативни технологии.
Во дискусијата во рамки на Самитот, на која учестуваа алумнисти на ПЦПО, се разговараше за прашања поврзани со отвореноста кон промени и технолошки иновации наспроти преферирањето на статус кво, а сесијата ја модерираше Ана Алибегова, член на Програмскиот совет на Претседателскиот центар за политичко образование и програмски менаџер во Интернационалниот републикански институт (ИРИ).
Јуришиќ е магистер на престижната Лондонска школа за економија и основач и управен партнер на компанијата „Transfiguration Advisory” и има долгогодишна кариера работејќи на промена на културата со преку 200 организации и системи низ целиот свет, комбинирајќи го рационалното размислување со интуитивна работа.
„Македонија 2025“ е партнерска организација на Претседателскиот центар за политичко образование.
