Претседателот Стево Пендаровски денеска го прими претседателот на Еврејската заедница, Пепо Леви.
На средбата, претседателот Пендаровски беше информиран за тековните активности и проекти на Еврејската заедница во областа на образованието и културата, за соработката што ја остваруваат со државните институции и со Фондот на холокаустот, како и за нивните идни ангажмани и планови.
Претседателот Пендаровски ја реафирмираше неговата лична заложба за натамошно унапредување на соработката со еврејската заедница, преку поддршка на нивните активности, заедничко чествување на еврејските празници и зачувување и афирмирање на културата, традицијата и обичаите на македонските Евреи.
На средбата беше разговарано и за актуелните состојби во државата на внатрешен и надворешен план, како и за придонесот на еврејската заедница во севкупниот развој и напредок на македонското општество.
