Викендов во Струга се одржа петтиот модул на Школата за политики за 2022 година при Претседателскиот центар за политичко образование којшто се реализира во соработка со Регионалната канцеларија за младинска соработка (RYCO).
На официјалното отворање на петтиот модул говореше Владимир Ѓорѓески, раководител на Регионалната канцеларија за младинска соработка (RYCO), по што следуваше панел дискусија на тема „Процеси на трансформација на конфликти во Западен Балкан. Помирување преку иницијативата на Берлинскиот процес и неговото влијание врз младите во регионот“, што ја водеше Алберт Хани, генерален секретар на RYCO.
На тема „Зошто е важно помирувањето и како значајно да се вклучат сите релевантни чинители во создавањето можности за младите – Фокус на естаблишментот на RYCO“ говореше Кренаре Гаши Красниќи, раководителка на локалната канцеларија на RYCO во Косово, додека на тема „Застапување на млади и значајно младинско учество“ говореше Марија Булат, раководителка на локалната канцеларија на RYCO во Србија.
На тема „Добри примери на значајно младинско учество“ своите искуства ги споделија Александра Јаковческа, претставничка на Superschools, одобрен проект преку RYCO, Драган Атанасов, претставник на одобрен проект преку RYCO, Габриела Лескова, учесничка на програмата ROUTEWB6 и Марјан Ицоски од НВО АРНО, проектен менаџер на проектот „RISE“ одобрен преку RYCO.
Во рамки на петтиот модул на школата се одржа и панел дискусија на тема „Иднината на младинското учество и соработката на Западниот Балкан“, на која учествуваа Алберт Хани, генерален секретар на RYCO, Маријана Ангелова, генерален секретар на Национален Младински Сојуз на Македонија и Анелија Митрова, оперативен координатор во Младински Сојуз од Крушево.
На последниот ден од петтиот модул на школата говореше Драган Атанасов од Сојуз за младинска работа на тема „Развој на нови иновативни форми на младинско учество“, а се одржа и дискусија со експертите и гостите за регионална соработка и младинско учество.
Школата за политики е организирана во соработка со канцелариите на фондациите и здруженијата во земјава „Фридрих Еберт“, Меѓународниот Републикански Институт (ИРИ), Фондацијата „Конрад Аденауер“, Националниот демократски институт за меѓународни работи (НДИ), Фондација за демократија на Вестминстер, Фондацијата „МК2025“ и Регионалната канцеларија за младинска соработка „RYCO“.
