Претседателот Стево Пендаровски денеска во проштална средба го прими амбасадорот на Република Австрија во Република Северна Македонија, Георг Вуцас.
Претседателот Пендаровски на амбасадорот Вуцас му се заблагодари за дипломатскиот ангажман во земјава и придонесот во унапредување на севкупните односи меѓу двете земји и му посака успех во натамошната кариера.
На средбата беше изразено задоволство од одличните политички и економски односи меѓу двете земји и очекување дека успешната соработка ќе продолжи и во иднина.
Претседателот Пендаровски се заблагодари за континуираната и силна австриска поддршка на политиката на проширување на Европската Унија и на нашиот евроинтегративен процес.
На прошталната средбата двајцата соговорници разменија мислења за политичките случувања во земјава, како и за актуелните состојбите во Европа.
