Претседателот Стево Пендаровски, денеска го прими во проштална средба амбасадор на Јапонија, Хиронори Савада.
На средбата претседателот Пендаровски се заблагодари за севкупниот дипломатски ангажман на амбасадорот Сaвада, за одличната и конструктивна соработка со македонските институции како и за неговите заложби за продлабочување на македонско-јапонското пријателство.
Во таа насока, претседателот изрази благодарност до јапонската влада за севкупната поддршка и за реализицијата на голем број проекти во повеќе сектори во нашето општество, особено во областа на здравството и образованието, како и за помошта добиена за справување со пандемијата на Ковид-19.
На прошталната средба, претседателот му посака успех на амбасадорот Савада во натамошната кариера, и ја реафирмираше подготвеноста на Северна Македонија за понатамошно унапредување на севкупните односи со Јапонија, динамизирање на политичкиот дијалог и интензивирање на економската соработка.
